E policial E.R. Bremo ta keda cera pa motibo di abuso sexual. Esaki tambe ta conta pa O. Jansen miho conoci como DJ Mc Oz, su detencion a keda prolonga cu 60 dia.
E polis sospecha a bay den apelacion contra su detencion sinembargo Corte Superior a rechasa su apelacion. Tin un investigacion andando desde november momento cu husticia a ricibi un keho di abuso sexual. A base di e resultadonan di e investigacion aki, autoridad a detene e polis pa e echonan di secuestro y violacion.
E DJ sospecha a presenta ayera dilanti hues comisario. Eynan el a tende cu hues a dicidi di prolonga su detencion cu 3 luna mas. E DJ ta sospecha di tene relacion sexual cu un mucha di 15 aña. Esaki e mes a admiti, segun su abogado.
