(AP) – Un atake ‘ransomware’ contra di Los Angeles su districto di scol a causa cu e computernan su sistemanan a keda fuera di linea den un tempo unda cu e scolnan ta haya nan mes mas vulnerabel na invasionnan cibernetico na comienso di e aña nobo.
E atake contra Los Angeles Unified School District a bati alarma rond di e pais, y a causa dialogo urgente cu e Cas Blanco y e Conseho di Siguridad Nacional despues cu e prome señalnan di e atake aki a ser constata. E atake a causa cu mester a cambia password di 540,000 studiante y 70,000 empleado di districto.
Aunke e atake a usa tecnologia cu ta warda dato y no ta unlock esaki almenos cu e suma cu ta ser pidi keda paga, den e caso aki oficial di e districto a bisa cu no a demanda placa inmediatamente y e scolnan den e nacion su di dos districto escolar mas grandi a habri di acuerdo na e schedule riba diamars.
E tipo di atakenan aki a bira un menasa cu ta creciendo contra di e scolnan Mericano, cu varios incidente di perfil halto reporta desde aña pasa mirando cu e pandemia e forsa cu mester depende riba e tecnologia y esaki ta aumenta e impacto. Ademas, e gangnan di ‘ransomware’ den pasado a plania atakenan grandi na Merca durante fin di simannan festivo, ora cu nan sa cu empleadonan di IT ta hopi probabel di ta off of tiki, y expertonan di siguridad ta festehando.
Aunke no tabata inmediatamente cla ki ora e atake na LA a cuminsa, oficialnan a bisa solamente ki ora esaki a ser detecta y e vocero di e districto a nenga di contesta preguntanan adicional. Diasabra anochi su descubrimento a yega e nivelnan mas halto di e gobierno federal su agencianan cibernetico.
