Den dianan aki cu henter mundo mester aplica distanciamento, tur hende mester compronde e motibo pakico esaki ta asina importante pa por evita di ta un proximo victima di e virus COVID-19 cu te ainda, no tin vacuna ni tratamento.

‘Distancia Social’ ta un herment cu funcionarionan di salud publico ta recomenda pa disminui e propagacion di un enfermedad cu ta transmiti di persona pa persona.

Segun un descripcion di un Centro di Control y Prevencion di Enfermedadnan, distancia social ta consisti di evita e multitud di hende y mantene un distancia di dos metro pa persona. Por ehempel, na New York e teatronan a cera completamente, a cancela hopi charlanan na henter mundo y scolnan na Merca a cuminsa cera caba.

Esaki tambe ta inclui pa no toca un persona, duna man; e contacto fisico ta e contagio mas lihe y e manera mas facil di expande e enfermedad. Tambe ta berdad cu esaki no por ta 100% posibel, pero si comunidad ta cuminsa sigui e reglanan simpel aki, e mesun individuo por hunga un rol importante den e disminucion di propagacion di e virus.

Tambe ta existi otro nomber cu probablemente hende a scucha como ta ‘isola mi mes’. Esaki ta pa motibo cu ta existi un posibilidad hopi grandi cu e persona aki a haya contacto cu un persona afecta cu COVID-19.

Diamars anochi, minister di Salud, Dangui Oduber a specifica cu tambe tin hende cu mester cumpli ‘cuarentena obligatorio’. Esaki ta loke autoridadnan ta indica pa un ciudadano cu mester permanece den un luga, por ehempel su cas, durante un periodo di 14 dia. Di esaki por tuma como por ehempel turistanan di un crucero.

Pero den realidad, pakico esaki ta funciona? Si personanan y henter comunidad ta cumpli cu distancia social di un manera corecto y na gran escala, esaki ta kibra of disminui e cadena di transmision. Un persona por transmiti COVID-19 desde por lo menos cinco dia prome cu e ta haya e sintomanan. Ta limita e cantidad di individuo cu ken un persona infecta por tin contacto y esunnan cu posiblemente e por wordo contagia, ainda sin cu e sa cu ta portador di e virus.

Actualmente, esaki ‘ta e unico herment cu nos tin disponibel pa lucha contra coronavirus’. Expertonan ta calcula cu e vacuna lo por tarda desde 12 pa 18 luna, te awor no tin remedi disponibel cu por disminui e infeccion pa cu e virus aki.

Henter mundo mester cumpli cu esaki pa preveni un aumento indetenibel di casonan, principalmente di esunnan cu ta den edad avansa, cu mester protege mas y cambia nan manera di biba te cu e pandemia aki caba.

Otro manera di practica esaki ta dirigi na esunnan cu ta den un relacion amoroso. E pandemia aki ta asina intenso cu tambe a causa cu hopi pareha tin cu keda cas y separa di esunnan cu nan ta stima of esunnan cu nan lo kier conoce. E situacion aki a bira un preocupacion universal, na unda tur hende a keda paralisa.

COVID-19 a haci cu tur persona mester keda na cas y usa nan telefon pa por ta conecta cu otro, basila riba internet a bira e via di escape di miles di persona cu tin gana di haya un bon combersacion.

Cita online a cuminsa ta e anker pa mantene e cariño, intercambio humano, como tambe e resistencia pa via di angustia di ta aisla y den soledad.

Te poco menos di un luna atras, un di e mayor peligernan pa un persona tabata esun di keda na cas su so cu un persona desconoci y contra su boluntad. Awendia e enemigo number un ta algun gota chikito di scupi cu por scapa ora un persona ta hari of sunchi otro.