(AP) – Walt Disney Co. a bisa cu e lo adkiri 33 porciento di Hulu for di Comcast pa aproximadamente 8.6 biyon dollar, un trato cu lo duna Disney e controla sin disputa di e servicio. Disney tin desde 2019 na mando di Hulu, ora cu Comcast a cede su autoridad na Disney y efectivamente a bira un partner silencioso.
Disney no a duna mas comentario otro di bisa cu e adkisicion “lo amplia Disney su obhetivo di streaming.”
Hulu a cuminsa den aña 2007 y rapidamente a evoluciona den bira un servicio sosteni pa conglomeradonan di entretenimento cu a spera di opera riba internet cu un plataforma online di nan propio programanan di television. Disney a uni den aña 2009, cu plan di ofrece shownan di ABC, ESPN y Disney Channel. Un decada despues, Disney a ricibi e control mayoritario di e negoshi ora cu el a adkiri 21st Century Fox.
Disney a trata Hulu como un di su propio servicio pa añanan, por ehempel, ora cu el a lansa su propio plataforma Disney, den ana 2019 y inmediatamente a ofrece un bundel cu ta inclui Hulu, Disney+ y ESPN+.
