Ateliers ’89 ta sumamente contento pa habri su tayer nan di fin di aña cu e artista maestra Victoria Hoogstoel. Un artista cu un trayectoria impresionante (Instagram) pa ta e siguiente maestra pa e tayer di Graphic Design na Ateliers ’89. E tayer aki ta mescos cu tur nos tayer nan pa un luna y lo cuminsa dialuna 28 di Augustus proximo y lo termina cu un exposicion di e obranan traha pa e participante nan durante e tayer, dia 21 di september.

Bo ta cordialmente invita pa asisti na nos tayer di diseño grafico. Durante e tayer aki nos lo concentra riba experimenta cu diferente conceptonan basico di diseño grafico manera: tipografia, composicion, comunicacion, cos imprimi etcetera. Door di colecciona, conta storia y pinta e tayer aki lo acerca cu cada paso di e proceso creativo e diseño grafico. Cada encuentro ta dirigi riba tareanan rapido unda lo haci uzo di diferente tecnica, media y material. Ta ofrece e participante nan un bista general di historia di diseño grafico pa asina nan por cera conoci cu terminologia di diseño grafico. Nos meta principal lo ta pa traha un Abecedariums ilustrativo (esaki ta visualisacion cu ta consisti di letter di un alfabet). Na final di e proceso nos ta traha hunto na un exposicion cu e experimento nan cu nos a haci durante e siman nan.

Biografia di Victoria Hoogstoёl

Mi nomber ta Victoria Hoogstoёl. Mi ta un diseñador grafico y artista cu a nace na Paris den e aña1996. Mi a gradua prome grado como diseñador grafico na 2017 y muda pa Hapon pa un aña. Mi a ripara cu mi tabata profundamente conmovi door di e conceptonan estetico Hapones y e idioma. Ora mi a bay bek Francia mi a concentra riba mi trabou di traha strip (comics), mientras tanto mi tabata traha na advertencianan. Un aña despues mi a sigui mi estudio diseño tipografico y contamento di storia cerca VAV-moving image na Gerrit Rietveld Academie na Amsterdam.

Cu gusto mi ta mescla mi trabou nan cu tecnicanan analogico y digital. E proceso hibrido aki ta laga diferente forma mescla cu otro. Esaki ta crea strategianan pa mas storia. Storia ta e nucleo di mi trabou. Mi ta crea cu placer mi propio storianan, cu ta humoristico y melancolico. E storianan ta mustra e absurdo cu nos ta considera di mes. Mi inspiracion ta bin di sucesonan y interaccion nan diario. Accesibilidad ta para central den mi investigacion. Mi ta traha cu placer na sistemanan y metodonan simpel unda cu e estetica no ta alcansa e contenido. Den e limitacion nan y e protocolnan mi ta haya mi libertad creativo, specialmente pa loke ta trata diseño di letter. Prome cu mi bay traha digital mi ta cuminsa semper for di un perspectiva analogico, cu ayudo di material fisico y forma. Website: https://vic-hoo.net/

Pa inscribi por manda un e-mail na elvis@ateliers89.org of djis yama 565-4613.