![Leader of the Party for Freedom Geert Wilders](https://www.bondia.com/wp-content/uploads/2023/12/Discusionnan-tocante-gabinete-Hulandes-ta-toca-tres-obstaculo-importante-pero-PVV-NSC-BBB-VVD_result-696x464.jpg)
(NLTimes)—Tin varios problemanan cu lo haci’e dificil pa PVV lidera un coalicion cu NSC, VVD y BBB. E cuatro partidonan lo mester sigui discuti e “regla di ley”. E forma di e coalicion y varios prioridadnan politico en general, segun fuentenan cercano di e proceso di formacion a conta locutor NOS.
E partidonan no lo participa den negociacion extensivo tocante e contenido di un acuerdo di coalicion al menos cu nan haya un tera comun riba e tres puntonan aki, segun NOS a reporta. Pa resolve e problemanan aki por tuma un par siman, si no lunas, y fracaso riba cualkier punto por resulta den un kiebre di negociacionnan. E cuatro partido a bay den discusionnan desde cu lider di PVV Geert Wilders a gana eleccion parlamentario dia 22 di november. PVV a gana 37 asiento, VVD a tuma 24, y partido nobo NSC a gana 20 asiento. Hunto cu shete asiento for di BBB, e cuatro partido lo tene un mayoria di 13 asiento den Tweede Kamer.
Sinembargo, lider di VVD Dilan Yesilgöz a expresa su duda varios biaha pa uni un coalicion cu e otro tres partido. El a bisa cu e coalicion lo mester inclui partidonan cu a progresa den e resultadonan di eleccion, y di e cuatro partido, su partido tabata e unico pa perde asiento. Ademas, lider di NSC Pieter Omtzigt a bisa varios biaha tambe cu e ta preocupa tocante e posicionnan extremo cu PVV a mantene durante e ultimo añanan, incluyendo siendo anti-Islam, oposicion contra apoyo pa Ucrania durante e guera cu Rusia, y un empuhe for di Hulanda pa sali for di Union Europeo.
E posicionnan aki no ta cuadra cu e constitucion Hulandes, y no ta cuadra tampoco cu acuerdonan internacional, segun Omtzigt. VVD y BBB tambe tin preocupacion relatando na esaki, manera NOS a reporta a base di entrevistanan cu fuentenan cerca di Ronald Plasterk, e persona actualmente liderando discusionnan entre e cuatro partidonan.
E forma di e gabinete tambe no ta cierto. Wilders kier pa tur cuatro partido bay den un coalicion, mientras cu Yesilgöz solamente kier pa su fraccion den parlamento apoya e gabinete centro-derechista. Esey lo nifica cu e tres partidonan restante, cu 64 asiento en total, lo ta un gabinete di minoria.
Posiblemente en conflicto cu e perspectiva di VVD, Omtzigt solamente kier participa den un gabinete si e ta cerca di parlamento. Mas tradicionalmente, e politicanan di e coalicion sa demanda apoyo for di miembronan di partido sirbiendo den parlamento.
E ultimo asunto ta e acercamento na kico e partidonan ta considera como asuntonan importante, manera inmigracion, politica di asilo, apoyo pa Ucrania, costo di bida, criadero, e sistema di pension Hulandes y cuido medico regional y hospitalnan.
Ta anticipa cu Plasterk lo duna mas informacion tocante e situacion dialuna binidero.