Un plato cu a ser “descubri” 16 aña atras y ta awendia masha popular na henter Hulanda y te hasta na Aruba, ta awo e centro di discusion entre e ciudadnan di Amsterdam y Rotterdam. E famoso plato conoci como “Kapsalon” ta consisti di carni estilo shoarma/döner, batata hasa, lechuga (y otro berduranan), keshi gesmelt, saus di conoflok y/of sambal.
E discusion a start pa motibo di un propaganda cu a ser haci cu ta bisa: “Amsterdam speciality Real kapsalon”. Personanan di Rotterdam a reacciona riba esaki, bisando entre otro cu Kapsalon ta un herencia di nan ciudad.
Entre esnan cu a reacciona ta Dervis Bengü di e restuarant El Aviva na Rotterdam, kende ta bisa cu e ta e inventor di e plato aki. Bengü ta splica cu tur cos a cuminsa ora cu e comerciante bisiña di dje, e barbero Nataniël Gomes di Cabo Verde, a pidie pa traha un tipo di combinacion asina ey. E ta sigui splica cu personanan di Amsterdam a wak esaki y a hibe nan ciudad. “Lastimamente mi no tin e patent riba Kapsalon pero e echo ta cu el a ser origina aki. Kisas nan por bisa cu Kapsalon ta bin di Rotterdam pero Amsterdam ta hacie miho.”
Un otro persona cu a reacciona rabia riba e situacion ta e docente di historia di ciudadad Paul van de Laar di Erasmus Universiteit Rotterdam. Van de Laar, kende ta tambe director di e museo na Rotterdam ta bisa cu Kapsalon ta hasta riba e lista di herencia di nan ciudad, pues tambe ta para ariba cu e famoso Kapsalon ta algo di Rotterdam y no di Amesterdam. Riba medionan social tambe por a nota discusion
