Disculpa di Hulanda pa sclavitud den pasado no ta fiha pa dia 19 di december; Rutte ta bisa cu e fecha ta bay ta ‘significativo’

(CuraçaoChronicle) – E status di e disculpa di estado Hulandes pa sclavitud den historia ta mustra menos sigur despues di un combersacion ayera entre miembronan di e Gabinete y representantenan di varios organisaicon cu a pidi pa disculpa pa añas. Den e dos siman desde cu e plannan di e Gabinete a leak, a ricibi critica di gruponan representando e descendientenan di esclavo, e porcion Caribense di Hulanda, y Surnam.

Despues di e reunion na Catshuis ayera, Rutte a djis confirma cu dia 19 di december ta bay ta un “momento significativo” pero no a confirma ningun detaye. El a bisa cu e plan cu a leak ta realmente un coleccion di “pida di informacion” y cu no mester a pone esnan afecta den un posicion pa ta confronta cu pida di informacion den medionan di comunicacion.

Johan Roozer tabata na e reunion como presidente di comite nacional pa memoria di sclavitud di Surnam. Despues, el a bisa cu el a puntra Rutte pakico tabatin pura pa duna e disculpa dia 19 di december, alegando cu Rutte a punta riba e atmosfera politico cambiando na Hulanda, y cu pospone e decision lo por nifica cu sosten pa e disculpa por disminui.

Cu eleccionnan provincial planea pa dia 15 di maart, y partidonan opuesto na e disculpa creciendo den encuestanan, Rutte ta teme cu e bentana por cera rapidamente, Roozer a bisa.

Mercedes Zandwijken tambe tabata na e reunion y a bisa cu no tin fecha cla na ki momento Hulanda ta bay ofrece disculpa. El a bisa cu Rutte ta compronde cu e proceso conduciendo na e disculpa mester ta un dialogo cu input di hende pafo di Gabinete.

Pero kico cu pasa dia 19 di decmeber ta bay keda un “momento”, Rutte a bisa, y ta bay duna inicio na “henter un proceso” conduciendo na dia 1 di juli, unda ta bay tin un conmemoracion adecuado. “Pero hasta e ora ey no a termina”, Rutte a bisa. “Cos no ta caba dia 1 di juli, pasobra ta bay caba ora discriminacion contra e ultimo persona na Hulanda a base di color di su cuero a stop.”

Cuatro ciudadnan grandi di Hulanda – Amsterdam, Rotterdam, Den Haag y Utrecht – ya a pidi disculpa pa nan rol den sclavitud. De Nederlandse Bank y ABN Amro tambe a pidi disculpa.