Miembro di Tweede Kamer di Parlamento Hulandes Ronald van Raak ta kere cu e personanan cu ta ocupa un puesto publico nunca mester gana mas cu e Prome Minister di e pais.
E rason di e declaracion aki ta e filtracion na Corsou di e salarionan di e miembronan di e Conseho di Administracion di e empresanan gubernamental. E declaracionnan di pago completo ta circulando riba red social desde siman pasa y nan a genera indignacion entre e poblacion. Van Raak ta papia di ‘salarionan exorbitante’. Van Raak a skirbi preguntanan al respecto na Subsecretario di Relacionnan di Reino, Raymond Knops.
1 Ta berdad cu e salarionan di e parti superior di e empresanan gubernamental di Corsou ta mucho mas halto cu e ingresonan di Prome Minister?
2 Pakico e ingresonan di parti superior di e corporacionnan gubernamental, cu ta realisa principalmente funcionnan publico y ta ser paga cu placa publico, no ta publico?
3 Mientras tanto e Supervision Financiero CFT tin un idea di e finansa di e companianan gubernamental na Corsou y Sint Maarten?
4 Bo ta na altura di e ingresonan di e empresanan gubernamental na Corsou y Sint Maarten?
5 Bo ta comparti mi opinion cu e personanan cu ta ocupa e puesto publico nunca mester gana mas cu e Prome Minister?
Esaki ta un ehempel di e salarionan di cual ta ser papia.
Paul de Geus (UTS en CETX/Dataplanet) nafls 1.144,274 (2019)
Philip Martis (SVB) nafls 1.125.666 (2015)
Yamil Lasten (Curoil) nafls 827.704 (2019)
Franklin Sluis (Bureau Telecommunicatie en Post) nafls 747,306 (2015)
Mientras tanto, Minister di Finanzas Kenneth Gijsbertha a anuncia cu e lo entrega un keho na Ministerio Publico pa e filtracion di informacion confidencial. Na mes momento, Gabinete Rhuggenaath ta preparando regulacionnan pa standarisa e salarionan den gobierno.
