YMCA Aruba (Young Men Christian Association) a logra cu un organisacion pa yega na 600 participante pa locual ta trata nan actividad cu nan a haci. Tambe tin un averahe di 150 mucha cu a yega mensualmente na nan centro.

Director di YMCA, Rhomyko Winklaar a duna di conoce cu aña pasa tabatin un bon cifra ‘impactante pa nos organisacion’. Nan a logra yega na 600 participante pa locual ta trata nan camps y tambe un averahe di 150 mucha cu ta atende mensualmente na nan centro.

Tanto pa YMCA Dakota como San Nicolas tabata un aña exitoso. Nan kier sigui amplifica esaki cu mas evento. Manera aña pasa nan introduci les di musica, cuarta y tambe martial arts. Winklaar ta bisa cu esey tabatin un bon acogida.

Locual ta trata aña pasa, nan tin intencion di sigui crece den e parti ey. Pa 2020 nan tin plan pa sigui cu esaki. E ta splica cu nan sa cu awendia no tin mucho cos pa e hoben haci, y nan kier mas pa asina e hoben por keda participa.

E ta bisa cu mayornan ta keda preocupa, cu nan yiunan no tin nada di haci na cas. Nan idea ta pa busca personal indica pa locual ta trata e parti di deporte pa tempo full. Nan a keda cla cu esey tambe pasobra nan coordinador di deporte y e persona lo mester zorg pa tin actividad deportivo continuo na ambos centro di YMCA.

Winklaar ta comparti cu nan kier introduci locual ta trata e parti esencial pa educacion di nan muchanan. Pa e parti di arte, musica, cu mester ta den dje. Esey ta yuda desaroya e mucha. Nan kier introduci den ambos centro tambe.

Nan kier acerca e muchanan via scol, pa asina por yega na mayornan y por acerca nan tambe pa motiva nan yiu. “Pa yega prensa tambe naturalmente pa asina comparti cu e muchanan ta keda productivo. Pa nan tur hende ta na altura cu tin programanan pa mucha.

Nan a bisa cu e cifra cu nan a logra obtene aña pasa, nan intencion ta pa keda sigui cu cifra aki y sigui cu crecemento. Ta asina cu nan tin un proyecto piloto, un di nan ta di e organisacion mama di tur YMCA di nan region. Di e organisacion aki nan ta haya e fondo pa cubri e gastonan pa e proyecto.

Cu e proyecto cu tin nan ta haya fondo entre otro pa asina haci eventonan manera esun cu a caba di pasa di tecnologia. E ta bisa cu proyecto ta sumamente importante mirando cu awendia tur mucha ta bezig cu cu parti di tecnologia ‘nos ta merch cierto aspecto di esaki den otro’.

A puntra Winklaar, si nan kier yega na mas muchanan/ hoben si tin un limite pa esaki. El a bisa cu e intencion di nan ta pa keda yega na mas mucha posibel. Sinembargo e actualidad ta cu nan traha cu locual nan mester.

“E ta limita pasobra e proyecto ta gratis, no ta cobra nada y muchanan ta haya tur cos cu nan mester pa e proyecto. Nos kier mantene esaki asina tambe pa keda yuda e famia cu e proyecto aki”, Winklaar ta bisa.

Winklaar ta bisa cu mester tene na cuenta, cu esunnan cu ta duna e proyectonan aki ta personanan profesional cu mester wordo paga, pa e motibo aki nan mester fondo pa asina haci esey posibel pa material y costonan cu ta necesario pa draai un proyecto.

Tambe nan ta bisa cu nan tin planea algo pa e parti di transporte. Tabata cu algo cu nan kier a bin cune antes y e plan lo keda cerca nan. Sinembargo e ta bisa manera tur organisacion ta draai cu mantencion y personal pa core bus, pues mester keda genera fondo ‘pero ta algo cu lo yega na dje den futuro’. Y ta bezig pa yega nae transporte cu ta ‘esencial, necesario y safe’.

Pa mas informacion por bishita YMCA riba na Facebook of yama na ambos centro di Dakota y San Nicolas.