Den un entrevista cu Anne Witsenburg, director di Stichting Monumentenfonds Aruba el a duna di conoce cu a finalisa cu un gran parti di trabou di e forno na Rancho, sinembargo ainda tin cosnan cu falta cual ta importante pa nan y Rancho.
Stichting Monumentenfonds Aruba ta keda cu e trabou pa sigui proyecto di e monumento di forno di Rancho, tambe nan fondo pa mantencion y finalisa e restauracion.
Un ehempel cu el a menciona ta e portanan, na unda a sosode un accidente caminda cu un persona a kima den forno diripiente y nan a pone e heki dilanti di dje ‘pero esey ta mahos’. Nan tabata den palabracion cu e bureau pa busca un solucion pa pone heki mas paden y visibel pa no daña bista di monumento.
Nan a entrega e palabracion cu monumenten bureau y nan ta bezig ta warda aprobacion pa pone e heki eynan. Pa e di dos plan ta e restauracion di e cura di cas. E cura cu ta tapa e forno. Nan ta bezig ta drecha esey pa asina finalisa e ultimo punto.
Segun Witsenburg a bisa cu ora e restauracion keda cla, e otro trabou di mantencion di forno lo cuminsa, ‘forno di kalki a keda bon pa hopi aña mas’. Pa e keda bunita y evita vandalismo.
Sinembargo e ta bisa cu e area ey no ta den plan, pasobra e forno ta net 50cm rond di e kelki, pero nan a tene un reunion di DOW y tambe nan ta bezig cu mas pida tereno. Na entrada pa e forno di kalki, cu investigacion y posibilidad.
E ta bisa cu nan mes no por haci ‘mucho cos pa e peliger cu tin’ pero nan ta spera cooperacion cu Land Aruba pa e tereno cu tin di Rancho. Nan a pensa pa solicita na DOW pa drecha area y pidi e tereno. Mirando cu gobierno a inverti hopi den area pa drecha riolering y nan ta dispuesto pa coopera.
E ta bisa cu idea ta pa keda mantene e monumento y forno ta bishita pa turista cu ta bin. Nan a pone den nan presupuesto fondo pa mencion den nan proyecto monumental cu nan por huur, cu obheto di Stichting Racho pa duna e edificio e tools cu nan mester pa por tin e heki y finalisa pa restauracion.
