Director di Schiphol ta pidi despensa pa incidentenan na aeropuerto y ta anuncia cu lo tin mas cambio den e vuelonan pa e weekend binidero

(NLTimes) – Director di Schiphol Dick Benschop a pidi despensa na pasaheronan pa e problemanan cu a surgi na e aeropuerto den e simannan recien.

“E periodo di vakantie aki tabata uno doloroso,” e CEO a bisa. El a bisa cu e problemanan aki tabata parcialmente debi na e aumento den pasaheronan aereo y e falta di empleadonan disponibel. E falta di empleado disponibel tabata parcialmente pa causa di infeccion di coronavirus y empleadonan cu tabatin griep.

Benschop a bisa cu Schiphol tin tempo ta busca empleadonan adicional pa un periodo largo di tempo. Te cu awo, e aeropuerto a duna garantia financiero na e companianan di seguridad. Sinembargo, contrata y train e guardianan di seguridad aki ta tuma 12 siman, tambe pa motibo di reviso cu mester haci pa mira si nan ta permiti di traha na e aeropuerto. Actualmente tin 100 guardia di seguridad cu ta den training.

Tambe e lo permanece druk na e aeropuerto mas grandi di Hulanda pa awo. Como resultad di esaki, vuelonan mester bay na Rotterdam Den Haag Airport y Eindhoven siguiente weekend.

Schiphol lo continua cu e buskeda pa contrata mas empleado pa asina preveni cu lo tin mas problema durante e periodo cu ta biniendo. Ademas, e salario ofreci na e empleadonan aki tambe ta riba mesa, Benschop a bisa. Un gran margen di eror tambe lo ser considera na momento di plania pa e temporada. Compara cu loke a ser plania den e periodo cu ta cubri april y comienso di mei.