Tin un demanda basta grandi pa e meternan prepago y tin di bisa cu tin un lista di espera basta largo pa instalacion di esaki. Segun director di NV Elmar, Robert Henriquez, e compania di utilidad tin mas of menos 4 aña ocupa cu e meternan aki y e instalacion ta por nada, mescos cu e meternan convencional y tin cu bosa nan ta bayendo den bon direccion.
Segun Henriquez, awor aki NV Elmar ta haciendo tambe preparacion y pa fin di aña cambia pa un otro compania. Awor aki ta ocupa cu un compania di Hulanda y lo bay cambia pa uno di Merca, pero e sistema ta keda mesun cos. Lo bay duna mas posibilidad si cu na tres caminda por cumpra tokens, pero tambe por cumpra e tokens via un app eventualmente. E ora ey, hunto cu meter, cual ta wordo yama e smartmeters, por haya e meter ey. E ta traha tanto prepaid como postpaid mode.
Esaki ta un necesidad grandi segun Henriquez. Por controla e uzo di coriente bo mes. Bo por wak cuanto bo ta uzando e momento ey y abo ta dicidi cuanto placa bo ta hinca den e meter. Si ta 25 florin bo tin, ta esey bo por hinca, si ta 75, ta hinca 75. Ta un bentaha pa esnan cu no tin full e placa di kisas un luna, cu ta warda fin di luna cu ta paga 300 of algo na coriente, pero ta tiki tiki ta hink’e. Ta mira un gran peticion y ta recomenda hendenan cu ta wak kisas mester di dje, pero tambe e parti di hopi pidi ta bin di parti di apartamentonan. Nan ta hopi gusta bao di e doñonan di apartamento.
Ta algo cu bo no ta haya un sorpresa, pasobra bo mes ta handle e. Bo mes ta dicidi cuanto bo ta hinca. Si dado caso e consumo ta bay halto, e tokens ta cabando, bo por controla esaki. Bo ta paga bo luznan y bo ta wak cu bo ta gasta menos. Abo ta dicidi con bo ta handle e parti ey, segun Henriquez.
