Director assistent di “Rust” ta admiti fayo serio den siguridad na sitio di grabacion

(AP) – E hefe di arma di e grabacion di e pelicula “Rust” a conta autoridadnan cu el a tuma tur e precaucion y pasonan necesario pa sigura cu e arma cu a mata e cinematografo tabata sigur, pero e director assistent a confesa cu e arma no tabata completamente revisa prome cu Alec Baldwin a dispara e arma.

Segun un permiso di buskeda obteni pa TMZ, Hannah Gutierrez-Reed a conta autoridadnan cu e dia di e accident el a revisa e arma y e balanan aden, cual el a yama “dummies,” nificando cu nan no tabata bala di candela ni di berdad. El a agrega cu den e sitio di grabacion no tabatin bala di candela.

El a sigui bisa cu e arma tabata cera den un truck durante e break pa come y a ser saca net prome cu e escena fatal. E implicacion ta cu e ta bisando cu pa su persona e arma tabata completamente sigur, prome cu el a ser mishi durante cuminda. Tambe el a bisa cu tabatin tiki persona cu acceso na e truck aki.

Director assistent David Halls, e persona cu a entrega e arma na Baldwin y a bisa cu e arma ta “arma friu” a confesa cu ora cu ora e hefe di arma a mustra su persona e arma prome cu training pa grabacion el a mira solamente 3 bala den e arma. El a admiti cu e mester a revisa e arma y tur e compartimento pa e balanan y e no ta corda si Hannah a mishi cu e parti di e arma prome cu el a duna David e arma, y despues David a pasa esaki na Baldwin.

Despues cu e inematografo Hlyna Hutchins y e director Joel Souza a keda tira, Halls a bisa cu el a inspecciona e compartimento di e balanan y el a mira 4 di e balanan “dummies” cu e buraco na banda, pero uno sin e buraco na banda tampoco tabatin un capa, implicando cu e tabata e resto di un bala di candela.

Tur esaki ta apunta na un falta di precaucio di siguridad riba e sitio di grabacion y esey ta algo e abogado di districto ta mirando y investigando, purbando di mira si cargonan criminal por ser poni. E abogado di e districto a bisa cu cargonan ta riba mesa pa tur persona involucra. Autoridadnan kier papia cu Baldwin atrobe y kier revisa e historial di contrato di ambos Falls y Gutierrez-Reed prome cu nan tuma un decision.