Directiva di Parke Arikok a haya nan mes den confrontacion atrobe cu e director di e parke. Dialuna tin dos caso den corte.
E prome cu lo tuma luga ta di e directiva contra director Emil ter Horst (riba potret) cu ta director di e parke desde 2014. Despues lo sigui esun di e director aki contra e directiva y su presidente Greg Peterson particular.
No ta prome biaha cu e directiva ta mal contento cu e trabou di su director. Esaki ta di cuater biaha den 4 aña cu e mesun directiva kier manda su (diferente) director cas. E motibonan e biaha aki no ta conoci full, pero Bon Dia lo sigui riba e caso aki.
