Ayera Parlamentario Luigi Bergen a presenta dilanti Fiscal, relaciona cu e denuncia haci contra su persona di violencia domestico contra su yiu muhe. Sinembargo e caso aki a wordo posponi pa dia 26 di november awor.
Encuanto e situacion aki, Parlamentario Endy Croes, kende ta miembro di e mesun fraccion di MEP cu Parlamentario Bergen ta forma parti di dje, a bisa cu directiva di e partido ta bezig atendiendo cu e situacion aki.
“Top di partido y directiva ta bezig cu Luigi den algun reunion,” el a bisa.
Pero e ta kere cu lo ta bon pa duna e Parlamentario Bergen un tiki espacio durante e siman aki pa mira kico ta e decision. Parlamentario Croes a agrega cu nan ta compronde cu tin cierto desaroyonan, pero den todo caso nan ta wordo atendi internamente, prome cu e partido of e fraccion ta bin afo publicamente pa divulgacion, el a bisa.
