Camara di Comercio y Industria (KvK) a eligi den su reunion di 4 di januari 2017 e presidente y vice-presidente pa aña 2017. Sr. Ernst J.E. Mohamed a keda eligi pa e mayoria di e miembronan di directiva como presidente y Sr. Francisco L.M. de Mey como vice-presidente.
Banda di e presidente y vice-presidente, directiva di KvK ta conta cu e dama Sandy R. Odor y cu Sres. Serge L. Mansur, Omar Tromp, August A. Croes y Lionel M. de Cuba.
Na december ultimo Sr. Omar F. Tromp a keda reeligi y a yama bonbini na Sres. Randall C.F. Croes y Kawish D. Baidjnath Misier como miembro di directiva pa un periodo di tres aña (2017-2019) y Sra. Daphne R.Y. Agius Cesareo-Lejuez y Sra. Julisa Arends-Hoevertsz a termina nan periodo como miembro di KvK. KvK ta extende un biaha mas palabra di aprecio y gratitud pa nan aportacion na e trabao di KvK.
E presidente y vice-presidente, hunto cu e secretario/director ehecutivo, Sra. Sofia (Sonja) J.G. Velthuizen, ta forma e directiva diario di Camara di Comercio. Como presidente suplente, den caso di ausencia di tanto presidente como vice-presidente, a keda nombra segun stipulacion legal e persona di mas trayectorio sin interupcion den directiva di KvK, cu ta Sr. Omar F. Tromp.
Directiva di KvK ta conta di por continua na aña 2017 di duna su aporte na bienestar di comercio y industria y di comunidad en general cu hopi energia y entusiasmo.
