(NLTimes) – No lo permiti pa organisa eventonan grandi na Hulanda e herfst aki, ya cu por no tin suficiente agente di polis pa garantisa seguridad rond di eventonan, segun minister encarga di Seguridad, Ferd Grapperhaus, y sindicato di polis a bisa BNR.
Varios evento mayor por no haya permiso pa tuma luga e aña aki hasta si elimina restriccionnan di covid na tempo pa programa esakinan. “Nos mester ta cauteloso pa no permiti tur hende diripiente cuminsa organisa cosnan tur caminda”, Grapperhaus a bisa.
Na final, alcaldenan lo determina den consulta cu polis si por tene evento, Grapperhaus a enfatisa. Pa e motibo aki ta imposibel pa pronostica ki eventonan posiblemente por organisa, el a bisa. Tabata cla cu partidonan di futbol cu publico, y eventonan grandi den ciudadnan mayor, ta usa e maximo capacidad di polis.
“Tur ciudad awo a casi yega na e fin di coronavirus. Un lista di deseo a keda yena cu eventonan mayor cu lo kier continua, pero awo nos tin hopi discusion tocante esaki tras di escenario”, segun Jan Struijs, presidente di Sindicato Hulandes di Polis.
Grapperhaus anteriormente a destaca cu agentenan di cumplimento di ley ta tratando cu un aumento di presion laboral desde comienso di e crisis di coronavirus. “Nos no mester pensa cu ora e medidanan en gran parti a bay, nos por cuminsa organisa tur sorto di cos y cu tin agente di polis pa esaki. Nan tambe tin derecho na vakantie y compensacion pa overtime”, el a bisa.
Durante pandemia di coronavirus, agentenan di polis mester a traha un cantidad significante di ora di overtime, Struijs a enfatisa. Durante ultimo 15 luna, nan mester a sigura e cumplimento di medidanan di coronavirus a base diario. Nan cantidad di trabao adicionalmente a aumenta tempo cu a inicia protestanan violento contra lockdown na e pais na januari.
Struijs tambe a adverti cu scarsedad di capacidad di polis por aumenta mas ainda den proximo lunanan, ya cu hopi agente awo tambe ta retirando.
