(AP) – Vin Diesel a traha un marca pa su mes como e coredo di careda den e famoso franquisia “Fast and Furious” sinembargo e storia aki cu su personahe di hopi tempo pronto lo yega na su final.

Diesel a bisa declara den un entrevista cu “The Associated Press” cu e saga di “Fast and Furious” lo tin 2 pelicula mas despues di e noveno pelicula “F9” cual lo ser lansa dia 25 di juni, marcando e final di e franquisia.

E actor a bisa cu e dos ultimo peliculanan lo sali potencialmente den aña 2023 y despues den aña 2024.

“Tur storia merece su propio final” Diesel ta comenta durante un conferencia di prensa pa “F9” ora cu a puntra su persona tocante e futuro di e franquisia. Aunke e saga lo caba, el a bisa cu e universo cinematico di “Fast and Furious” lo continua. Diesel ta agrega cu na momento cu el a conta su yiu muhe tocante e fin di e franquisia, su yiu a cuminsa yora, ilustrando con importante e franquisia aki ta.

“Mi sa cu e fanaticonan lo sinti cu e storia no mester caba, pero ami ta kere cu tur cos bon mester tin su final.” Diesel ta agrega. “Tin motibonan pa un final. Mi ta kere e franquisia aki ta merece.”

Diesel ta aparece como Dominic Toretto desde cu e prome pelicula den e franquisa a sali “The Fast and Furious” den aña 2011. E pelicula nan a bira hit nan tanto nacionalmente como internacionalmente, cu e dos ultimo peliculanan generando un ganashi di mas cu 1 biyon dollar cada uno.

Hunto cu Diesel, e peliculanan di accion aki tin hopi otro celebridad nan cu ta forma parti di e famia den e franquisia manera Michelle Rodriguez, Dwayne “The Rock” Jhonson, Tyrese Gibson, Ludacris, Jordana Brewster, Jason Statham y e difunto Paul Walker, ken tabata e di dos personahe principal banda di Vin Diesel. Den 2019, Jhonson y Statham a haci e personahenan principal den e franquisia su prome sub-pelicula, “Fast & Furious presents: Hobbs & Shaw”, cual a gana e posicion number 1 y a genera un ganashi di 180.8 miyon dollar riba su debut mundial.

Aña pasa, Universal a retrasa e lansamento di “F9” pa motibo di e pandemia y brote di coronavirus. E pelicula nobo no solamente ta trece back un di e personahe faborito di e fanaticonan, Han, cual ta interpreta pa Sung Kang, sino tambe ta agrega algun actornan nobo manera John Cena y ta hiba e storia na nivelnan mas halto cu no a ser yega, manera lansa un auto den espacio. E pelicula ta spera di ta un di e hit nan mas grandi di e temporada.

Director di e pelicula Justin Lin a bisa cu e idea di finalisa e saga a ser treci dilanti durante un conversacion cu Diesel, ken tin 8 aña interpretando un di e personahenan principal den 8 di e peliculanan den e franquisia “Fast and Furious”.

“Nos a reuni, y Vin a bisa ‘mi ta kere nos mester cuminsa pensa riba un clausura pa e franquisia’” Lin a comenta, director di 5 di e peliculanan dentro di e franquisia, y cu lo dirigi e ultimo dos peliculanan.

“Nine ta practicamente e apertura di e capitulo final” e director a agrega. “Nos ta restructurando tur cos, pa asina e proximo dos pelicula nan por haci un clausura adecua y mereci pa e gran biahe cu e personahenan aki a tuma den e 9 peliculanan aki.”

Diesel a bisa cu e franquisia a yega hopi mas leu di loke e por a imagina, pero porfin e ta mira e final.

“E franquisia aki a cuminsa di fundeshi te dak” el a agrega. “E mundo a hiba e pelicula chikito aki na un luga unda cu el a surpasa tur e otro franquisianan cu ya tabata den existencia, pero e franquisia aki tin un alma, un alma cu tambe tin cu sosega.”