(TMZ) – Segun un demanda nobo den su contra, Diddy a contrata un ex actris di contenido pornografico pa tin relacion sexual cu hende na su fiestanan legendario y a menasa di tuma accion contra su persona y su pareha, ken tabata un modelo, si e no cumpli.

Adria English, ken ta bisa cu su nomber como actris pornografico ta Omunique, a bisa cu el a conoce Diddy alrededor di 2004, ora cu su pareha tabata purbando di ser contrata pa un trabao di modelahe cu Sean John. Den e documentonan obteni pa TMZ, Adria ta bisa cu cosnan a cuminsa bay robes cu Diddy for di cuminsamento.

Adria ta bisa cu su pareha y otro modelo a ser pidi pa haci actonan seuxal riba Diddy pa nan por haya e trabao. El a bisa cu su pareha a nenga pero a ricibi un di dos chens ora cu un asociado di Diddy a ofrece e trabao, cu e condicion cu Adria lo acepta di ta un “go-go dancer” na Diddy su fiesta binidero na Hamptons.

Su persona y su pareha a acepta y el a traha na e fiesta den 2004, e demanda ta inclui potretnan di su persona na e sitio, y a bisa consecuentemente cu el a traha na otro fiestanan di Diddy unda regularmente e mester a bebe alcohol cu narcoticonan manera ecstasy y a ser encurasha pa combersa romanticamente cu e invidatonan.

Aunke e no tabatin relacion sexual cu e invidatonan inicialmente, el a bisa cu Diddy a “manipula” su persona na acepta contrabanda sexual durante tempo. Adria a acusa cu cosnan a empeora cora cu Diddy a exigi pa e tin relacion sexual cu Jacob Arabov, conoci como JAcob the Jeweler den hip-hop.

Segun e demanda, entrega pa abogadonan Ariel Mitchell-Kidd, Esq. Y Steven Metcalf, Esq., el a bisa cu el a ser “obliga tin relacion sexual” cu su persona y despues a ser paga 1,000 dollar mas di loke e ta ser paga usualmente pa su trabao na Diddy su fiestanan.

El a saca un potret cu Jacob despues di e supuesto agresion mientras nan tabata na e fiesta ainda y ta bisa cu Diddy mes personalmete a dun’e felicitacion pa tin relacion sexual cu Jacob, manera el a ser bisa pa haci y a bise cu el a haci un bon trabao. Jacob ta nombra como acusado den e demanda.

Adria ta acusa cucosnan a bira pio despues di esaki, pa motibo cu el a ser pasa na otro hendenan na Diddy su fiestanan y nan tambe a agredi su persona sexualmente. Tambe e ta demandando un muhe yama Tamiko Thomas, ken e ta acusadi a facilita Diddy su operacion. Adria ta bisa cu Tamiko ta e Ghislaine Maxwell pa Diddy.

Tambe el a acusa cu Diddy a priminti di avansa su carera, te hasta yudando e drenta un grupo pa por debuta den e mundo di musica, sinembargo el haci exigencianan y menasanan di blokia su persona y su pareha for di e industria si e no cumpli.

E ta conta cu eventualmente el a logra scapa y a bolbe back California den 2009 y ta kere cu Diddy a blokia su persona y su pareha su carera como castigo.

Adria ta alega cu el a sufri trauma emocional incluyendo problemanan di intimidad y recuerdonan doloroso como resultado di e contrabanda sexual.

E ta demandando Diddy, Bad Boy, Tamiko Thomas, Jacob the Jeweler y otronan, pidiendo compensacion cu no a specifica te ainda.