Bo tin dificultad cu rednan social? Bo ta den bon compania. Cameron Diaz tabatin su momento relatable durante un chat en bibo riba Instagram.
Tur cos a cuminsa na momento cu e actriz di 47 aña di edad a purba di ‘pin’ un comentario. “Mi ta post e, pero mi sa cu mi mester bisa ‘pin’”, el a bisa despues di consulta su instruccionnan. “Pues, otro ‘fail’ di mi banda.”
Mientras Diaz a reconoce cu e tabata ‘supone di pone esaki aki riba di un forma diferente’, e no a laga e problemanan tecnologico vence. El bay bek den e video y a tene un entrevista cu Carly Stein, fundador y CEO di Beekeper’s Naturals Inc.
De hecho, Diaz ta anfitrion di un cantidad di chat en bibo riba Instagram. Papiando di salud y beyesa y compartiendo conseho di negoshi, e strea a cubri cantidad di topico. Tambe el a duna fanaticonan un bista den su bida como mama nobo. Por ehempel, recientemente el a splica con tin un orario diferente pa drumi cu su esposo Benji Madden a resulta util pa loke ta trata alimentacion di nan yiu muhe Raddix.
“Ami ta drumi trempan y lanta trempan. E kier bay drumi y lanta mas laat”, el a splica. “Esey ta hopi bon pa nos como mayornan, pasobra, bo sa, mi por bay drumi un tiki mas trempan y e ta dun’e boter mas laat, y ami por drumi. Y despues ami por lanta trempan y cuid’e mainta trempan, y (Benji) por drumi. Esey ta algo asina valioso. Nos no ni ta pensa riba esaki. Tin un motibo cu opuestonan ta atrae otro. Ta pasobra nos tin mester di otro.
E actriz y su esposo rockero, di e banda Good Charlotte, a anuncia yegada di nan baby na januari, notando cu ‘inmediatamente el a captura nos curason y a completa nos famia’. Tambe nan a expresa nan ‘instinto fuerte’ pa protege privacidad di nan yiu muhe, y laga cla cu nan no lo ‘post potret ni comparti mas detaye, otro cu e ta hopi, hopi tutu!’
