Aruba Astro Research Int. Ta anuncia actividad pa observa Eclipse Anular di Solo Saros diasabra awo.
Aruba Astro Research Int. asociacion nacional Arubiano di astronomia cu 31 aña manehando y dirigiendo e tereno di astronomia aki na Aruba, pa medio di su presidente Sr. Marcos Bislip den calidad como astronomo y representante oficial pa cu e tereno di astronomia aki na Aruba, y director nacional pa cu evento di eclipse solar y lunar y tur evento di astronomia general na Aruba, y miembro di Astronomical Leaque, IWGE International Working Group for Eclipses y parti di e team di NASA GSFC di Fred Espenak y di Profesor Jay M.Pasachoff di Williams College University y Hopkins Observatory ta informa na e comunidad di Aruba oficialmente cu Diasabra dia 14 di october 2023 lo tuma lugar un eclipse annular di solo saros 134 e di 44 miembro di e 71 famia Saros.
Aruba mes lo experiencia un Eclipse Parcial di Solo di 70% hunto cu e parti nort di Venezuela y Guyana Ingles como tambe Surinam y French Guyana na e partinan mas panort. Mientras cu Cuba, Jamaica, Haiti, Republica Dominicana, Puerto Rico, Corsou, Boneiro, Isla di Margarita, Trinidad & Tobago ta 60% mas panort di Puerto Rico ta 50% di Eclipse Parcial.
Ta bon pa menciona cu durante un Eclipse Annular di Solo den su pasada conoce solamente 90%. E data ta di NASA GSFC di Fred Espenak y cu tur miembro di e International Working Group for Eclipses ta usa esta Aruba Astro Research Int. como e instancia oficial y Sr. Marcos Bislip como e representante pa cu e tereno di astronomia y eclipse solar aki na Aruba nombra pa gobierno y tambe como miembro di IWGE.
E eclipse annular di solo su pasada mes ta inicia na Merca na Oregon sigui pa Dune City, pasa over di Newport, Crater lake National Park, sigui pa Umpqua y Fremont National Forest, Eugene, y Medford. Despues di pasa over di noordoost di California den Modoc National Forest e lo biaha pa Nevada pasa over di Black Rock Desert despues pa Utah sigui pa Arizona zuidwest di Colorado sigui pa New Mexico, Farmington, Albuquere, Santa Fe, Roswell y Carsblad despues drenta Texas, Midland, San Antonio y Corpus Cristi y drenta Golfo di Mexico, sigui pa e penninsula di Yucatan sigui pa Belize, Honduras, Nicaragua, Costa Rica, Panama pasa ariba Santiago y cerca di Panama City sigui despues pa Colombia y despues pa Brasil. E unico dos paisnan Sur Americano cu e pasada lo pasa ta Colombia y Brasil. Na Colombia e Eclipse lo pasa directamente ariba Pereira, Armenia, Cali, Ibague y Neiva na Brasil ta Amazonas te cu na Rio Grande do Norte prome cu e sombra di e luna drenta Ocean Atlantico y bay back den espacio.
Un evento asina di Eclipse Annular di Solo ta pasa cada 18 aña 11 dia conteniendo 71 evento. E serienan ta cuminsa cu eclipse parcial di solo for di Juni 22 1248, eclipse total for di october 9 1448 te cu december 24 1554 hybrid eclipse for di Januari 3 1573 pa Juni 27 1843 y annular eclipsenan di Juli 8 1861 pa Mei 21 2384 e serienan aki ta termina na 71 miembro y eclipse parcial ta termina Augustus 6 2510.
e eclipse parcial na Aruba ta inicia pa 12:42 pm di merdia y ta termina pa 16:03 ora esta 4:03 pm di atardi aki na Aruba. Mientras cu e parti mas importante di e eclipse esta e maximo di e eclipse parcial ta tuma lugar na Aruba pa 14:27 ora esta 2:27 pm di merdia di diasabra dia 14 di october 2023.
Aruba Astro Research Int. ta informa cu comunidad por manda nan potret of video di eclipse parcial di Dia 14 di Oktober 2023 na inbox di Aruba Astro Research Int. su facebook webpage y lo wordo publica. Por sigui tur informacion di astronomia ariba www. facebook/arubaastro y tur Diamars anochi na radio na TOP FM 95.1 despues di 10 pm den e programa Hit Express esta Astro News cu tin 13 aña den aire. E parti di seguridad pa observa e eclipse parcial di solo ta di vital importancia pa e comunidad specialmente cerca nos muchanan no observa e solo sin proteccion pa wowo, usa un bril di eclipse di solo y no mira nunca den un verkijker of telescop. E solo e ta un peliger grandi cu e ta kima bo retina di bo wowo y nunca bay mira den un verkijker of telescop cu bril di eclipse di solo of un filter di eclipse di solo, e ta kima e filter y bo retina di bo wowo. Usa filternan ISO 12312-2:2015 e certificate solar safe esaki ta conta pa brilnan di eclipse di solo y filternan pa por observa como tambe pa filternan pa telescop, verkijker (binocular), camara pa saca potret pa haci filmacion y transmision. Por traha un DIY eclipse viewer cu un caha di sapato: bora un buraco di 2.5 centimeter den e caha e parti central y pone un pida foil dilanti di e buraco, tape esaki, ta bora un buraco chikito den e papel di foil y paden di e caha ta pone un papel blanco, tape esaki na unda e solo ta bay refleha y despues traha un otro buraco chikito na banda di e caha pa por observa safe e eclipse di solo.
E instruccionnan y con pa haci esaki ta wordo ilustra ariba facebook webpage y website di Aruba Astro Research Int. Nos tin algun bril di solo. nan ta limita.
Por contact nos na 5629407 pa mas informacion di e eclipse parcial di solo cu lo wordo observa aki na Aruba dia 14 di october 2023 y nos facebook ta www.facebook.com/arubaastro y na website www.arubaastroresearch21.mystrikingly.com.
Sr. Marcos Bislip director nacional pa cu eclipse na Aruba ta e persona oficial cu ta dirigi, maneha y guia e evento di eclipse parcial di solo na Aruba tur pregunta por wordo haci na Sr. Marcos Bislip. Aruba Astro Research Int. y Sr. Marcos Bislip ta bay ta na Sta.Cruz diasabra dia 14 di october 2023 hunto cu un team di boluntarionan lo saca potret, haci filmacion y lo trata di transmiti esaki via di e canal di television ariba YouTube di Aruba Astro Research Int. y si por ariba radio.
