Prome cu solo sali y prome cu Santo Sacrificio di Misa ta cuminsa resa Santo Rosario pa 6.15 “Misterio Gososo”, despues ta sigi cu Salve Regina. Ta invita henter e pueblo, devoto y fielnan pa asisti na Santa Rosario prome cu Santo Misa. Mama Maria sigur ta intercede pa nos na nos Tata Celestial. Diabierna ta fiesta di Candelaria. Hopi parokia ta bendiciona bela dia di Santo Candelaria.
Papa Francisco ta haci un suplica na mundo pa resa e Santo Rosario, nos ta den un tempo turbulento, den crisis grandi. Ban haci un curashi diasabra mainta trempan pa ofrece nos ora valioso pa pidi misericordia y asisti na Santa Misa y resa pa tur esnan cu ta leu di Dios. Laga nos ta resa pa necesidad di Iglesia Universal, pa Papa Francisco, Obispo Luis Secco, tur sacerdote, Diacono y laiconan cu ta hiba e bon noticia pa e pueblo di Dios. Pa tur cu ta carga responsabilidad pa e pueblonan di Dios. Pa enfermonan corporal y spiritual. Hopi enfermo den exterior cu a bay busca nan salud. Cu pronto lo regresa na Aruba y gosa di un bon salud.
