Diaranson, dia 20 di november, nos ta celebra “Dia di Mucha” na Aruba. Riba e dia aki tambe ta celebra “Dia Internacional di Derecho Di Mucha”.
Pa e motibo aki directiva di Centro di Bario Playa Pabao ta duna reconocemento na nos muchanan den un solo actividad na Playa Pabao. E actividad aki ta tuma lugar diaranson dia 20 di november y ta cuminsa pa 3’or di merdia y lo termina pa 8or di anochi. Nos muchanan tin oportunidad pa hunga den “waterslide”, bula riba trampolin y den dino jump, hunga den luchtkasteel, monster truck, pinta cara y participa na diferente wega. Tambe muchanan tin oportunidad pa gana premio . Tambe Sra. Ariana Koolman ta presente pa conta e muchanan storia. Entrada ta completamente gratis. Muchanan ta wordo invita pa bin cu nan trahe di baño pasobra ta bay tin un “waterslide”.
Pa 6’or ta cuminsa un ora di locura, cu ta encera un show di carnaval, sigui pa un show “Di Mucha Pa Mucha” cu presentacion di gruponan di baile y solistanan hubenil. Pues diaranson dia 20 di november ta celebra Dia di Mucha y ban duna nos muchanan reconocimento riba e dia importante aki y laga nos manera un famia grandi asisti na e actividad aki cu nos muchanan na Centro di Bario Playa Pabao.
Pues mayornan nos ta warda boso y bin compaña bo yiu(nan) na e actividad aki. Lo tin un bar (sin bebida alcoholico) y un cushina cu prijsnan di dia di mucha. Un danki di curason ta bay na CEDE-ARUBA, y Asociacion pa Trabou Hubenil Arubano (ATHA) pa nan contribucion na e actividad aki.
