Dia mundial di curason ta dia 29 di september. IBISA tin varios actividad prepara pa asina haci chekeo di salud. Nan ta ripara cu atake di curason ta un epidemia rond di mundo y Aruba ta inclui, ya cu aki e ta causa number di morto.
Sheryl Arends-Croes, dietista y nutricionista di Ibisa, a bisa cu nan team di Ibisa ta prepara pa sigui trece conscientisacion den estilo di bida den comunidad. “Nos ta wak cu tin factor cu ta aumenta chens pa haya malesa. Nos ta wak cu factor di riesgo ta stress, falta di actividad fisico, humamento.”
Tambe e ta bisa cu ta wak cu malesa cronico ta sigui aumenta e riesgo di factor pa un atake di curason. Segun Arends- Croes, colesterol ta esun cu ta bin mas acera, diabetes, enfermedad di riñon, presion halto; cu tur esey ta conecta cu hende cu ta come malo, falta di actividad fisico, y e estilo di bida cu ta aumenta riesgo pa contrae problema cardio vascular.
Pa locual ta trata e chekeo di salud, e ta bisa cu nan lo enfoca pa hende conoce nan number. “Tin e world heart data, cu nan lo midi e BMI, tambe estado di peso di con e persona ta para cu sobre preso of obeso.”
Nan lo ta 28 y 29 di september di 2or pa 6or na FitVille. Dia 30 di september nan lo bay ta na MFA Noord. Dia 1 di october na Pricemart, 2 di october na MFA Savaneta y dia 3 di october na Superfood, unda cu hende por bin di 9or di mainta te cu 3or di atardi pa atende cu tur persona.
