(CuracaoChronicle) – Ayera a celebra mundialmente Dia Mundial di Consumidor. Riba e dia aki mundialmente a reflexiona riba e derechonan basico di tur consumidor. Corsou tin 2 asociacion cu ta para pa e consumidor. Un di nan recientemente a anuncia cu nan no lo ricibi kehonan mas, pues ta trata di Consumer Interests Foundation.
“Nos ta asina druk pa asina hopi tempo cu mi no por lidia cu esaki mas. Tambe ta mustra cu nos lo keda bira mas druk,” president di Consumter Interests Maria van Os a expresa.
Ademas di e fundacion aki, tin tambe Fundashon pa Konsumido. Como un consumidor, bo por tuma contacto cu ambos fundacion si bo tin keho tocante bo compra y/of e proveedor di servicio. Awo cu Consumer Interests ta introduciendo un prohibicion na keho, consumidornan por tuma contacto solamente cu Fundashon pa Konsumido y no tur hende ta conecta cu esaki.
Consumidornan
Nydia, Sonja y Geoffrey a dicidi di entrega nan keho na Consumer Interests y no na Fundashon pa Konsumido. Esaki no ta haci nada segun Nydia: “Bo ta keda manda di aki pa aya y no ta ricibi ayudo.” Pa e motibo aki el a pidi tur su sernan cercano pa acudi na Consumer Interests.
Sonja y Geoffrey ta den mesun situacion: “Mi a tende for di hopi amistadnan cu nan servicio no ta bon. Nan a bisa mi cu e proceso ta tuma demasiado largo pa por trata bo caso. E ta un proceso sin fin.” Geoffrey ta haya cu e ta un proceso preocupante si solamente Fundashon pa Konsumido ta trata e kehonan. E fundacion no tabata kier contesta contestanan tocante con slow nan ta trata e kehonan.
Na Consumer Interests, 3 keho a keda trata di biaha. “Maria ta bay straight na su meta. E ta tuma accion riba e mesun dia,” Sonja a comenta. “E ta profesional y ta para pa derechonan di consumidor. E ta 100% comprometi,” Geoffrey a agrega. “Mi a keda cune te anochi laat pa aregla tur cos y mi tabata por a tuma contact cune tur dia,” Nydia a splica.
Kehonan
Figuranan a demostra cu e cantidad di kehonan pa ambos asociacion ta mas o menos mescos. Tin sinembargo, un diferencia entre e cantidad di kehonan resolve. Na Fundashon pa Konsumido, esaki ta casi 60 porciento segun nan reportahe anual mas recien den aña 2019. Melissa Corea di Fundashon pa Konsumido a bisa cu den e aña anterior, esaki a aumenta na 80 porciento di 100 keho ricibi. Pa motibo cu e fundacion no a publica reportahe anual recientemente, e figura aki no por keda verifica. Consumer Interests si tin un reportahe anual di aña 2021. Den e reportahe aki por a mira un porcentahe di kehonan resolve di casi 90 porciento.
Data recien di Fundashon pa Konsumido no ta disponibel. Reportahenan anual ta extende ten a 2019 so. Segun Corea, tin reportahenan anual recien, pero e problema ta cu nan a ricibi instruccion di maneho pa no publica esaki.
Placa
Tambe tin un diferencia den finanzas. Fundason pa Konsumido ta ricibi subsidio di e gobierno. Na aña 2019, esaki tabata 400,000 florin. Corea no tabata kier bisa tampoco cuanto e fundacion lo ricibi di e gobierno e aña aki tampoco. Tambe bao instruccion di maneho.
Consumer Interests no ta ricibi subsidio di gobierno. “Mi no kier esaki tampoco. Mi kier permanece independiente,” van Os a declara. “Mi ta paga priva pa mi hermentnan y mi no ta ricibi un salario.” Maria ta purba genera ingreso via recaudacion di fondo, avisonan riba su sitio web y contribucion di consumidornan cu kehonan.
Tambe tin diferencia den cantidad di empleadonan. 4 empleado ta traha na Fundashon pa Konsumido. “Tambe nos ta trata otro topiconan, ademas di trata e kehonan,” Corea a declara. Consumer Interests di otro banda tin un solo empleado cu no ta paga y esaki ta Maria mes. “Mi no por paga un salario pa niun hende.”
Aunke Maria a pone un paro na e kehonan pa un periodo di tempo indefini, e ta bisa cu tambe e ta pensando riba un version menos grandi di su fundacion. “Pero e problema ta sinta na ‘unda bo ta marca e liña?’. Esaki ta den conflicto cu e hecho cu mi kier t’ey pa tur hende.”
