Awe 29 di september Nacionnan Uni ta conmemora e Dia Internacional di Conscientisacion tocante Perdida y Desperdicio di Alimento. Pa gran parti di poblacion mundial e desperdicio di alimento a bira custumber den diferente forma; cumpra mas di loke ta necesario, laga e fruta y berdura putri of sirbi mas cuminda di locual un persona ta come.
Esakinan ta practicanan cu ta pone presion ariba e problema creciente di perdida y desperdicio di alimento cu ta afecta miyones di persona cu no tin acceso facil na alimento.
Ta un hecho cu e cantidad di persona afecta pa hamber a crece lentamente for di 2014, y cada dia tin tonelada y tonelada di alimento cu ta bay perdi of cu ta wordo tira afo. P’esey ta fundamental pa reduci e perdida y desperdicio di alimento.
Datosnan di Nacionnan Uni (UN) ta indica cu ariba nivel global, mas o menos 13% di e alimento cu ta wordo produci ta bay perdi entre e momento di cosecha y e benta na minorista. Na esaki ta agrega cu tin e hecho tambe cu mas o menos 17% di e produccion total di alimento ta wordo tira afo na cas, den sector di restaurant y den comercio na cantidad (al por mayor).
E Dia Internacional di Conscientisacion tocante Perdida y Desperdicio di Alimento, cu e tema “Reduci e perdida y desperdicio di alimento: actua pa transforma e sistema di alimentacion,” ta brinda un oportunidad pa haci un yamado na sector publico y priva pa establece prioridadnan y avansa cu innovacion pa reduci e perdida y desperdicio di alimento, na fabor di sistemanan di alimentacion mas sostenibel.
Pakico ta importante pa reduci perdida y desperdicio di alimento?
Ora cu alimento ta bay perdi of ta wordo desperdicio, tur e recursonan cu a wordo usa pa nan produccion manera awa, tera, energia, trabou y capital ta wordo desaprobecha. Ademas, eliminacion di e alimentonan perdi of desperdicio na dumpnan ta genera emision di gasnan di efecto invernadero (GEI), cual ta contribui na cambio climatico.
Perdida y desperdicio di alimento tambe por tin consecuencianan negativo ariba seguridad alimenticio y disponibilidad di alimento, y ta contribui tambe na aumento di e costo di alimentacion.
Sistemanan alimentario nos no por ta resiliente si nan no ta sostenibel. Di eynan e necesidad pa enfoca riba adoptacion di enfoke integra concebi pa reduccion di perdida di alimento.
UN ta enfatisa cu ta necesario pa tuma medida Aruba nivel mundial y local pa probecha e alimento cu ta wordo produci. Pa introduci e cambio transformador aki ta fundamental pa incorpora tecnologia- y solucionnan innovador, particularmente den e plataforma di comercio electronico pa comercialisa e sistema di preparacion di alimento adaptabel y mobil, formanan nobo di traha y bon practica pa maneha e calidad di alimento y reduccion di perdida y desperdicio di alimento.
Ora ku keda shete aña pa logra meta 12.3 di Obhetivo di Desaroyo Sostenibel 12 (SDG), ta hopi importante pa agilisa e medidanan pa reduccion di perdida y desperdicio di alimento.
UN ta rmearca cu entre 691 y 783 miyon persona a sufri di hamber na 2022. E alimentonan cu ta bay perdi of cu ta wordo tira afo ta representa 38% di e uso total di energía den e sistema di alimento na nivel mundial.
E Organisacion di Nacionnan Uni pa Alimentacion y Agricultura ta brinda un cantidad di medida facil pa tur persona sigui pa asina yuda cu e problema di perdida y desperdicio di alimento:
Adopa un estilo di bida saludable y sostenible, cumpra solamente loke ta necesario, scoge e fruta y berduarnan menos bunita, warda e alimentonan cu prudencia, compronde e etiketa di e alimentonan, cuminsa cu porcionnan chikito, balora e cuminsa cu resta, haci uso di alimentonan cu no tin uso mas, usa menos awa, apoya e productornan local y comparti loke no tin uso pe y cu por wordo uso ainda.
