Conservacion di suelonan ta un preocupacion fundamental den agenda ambiental global debi na e papel crucial cu tin den e sustento di bida ten tera.

For di dia 7 di juli 1963, a ser conmemora e Dia Internacional di Conservacion di Suelo pa asina duna homenahe na Dr. Hugh Hammond Beneett, un Mericano cu tabata fungi como hefe di Servicio di Conservacion di Suelonan y a visualisa e problematica di erosion.

Suelonan ta base di agricultura y produccion di alimentonan, ademas ta esencial pa biodiversidad y regulacion di ciclo di awa. Sinembargo, e recursonan aki ta bao menasa pa actividadnan humano manera deforestacion, desaroyo sin control, contaminacion y practicanan agricola intensivo.

Pa preserva e salud di e suelonan, ta importante pa adopta medidanan y politica di maneho sostenibel cu ta promove e fertilidad y structura fisica na largo plaso. Pa e motibo aki e fecha ta importante pa conscientisa riba educacion ambiental, e rol di e suelonan y e menasanan cu ta enfrenta.

Colaboracion entre gobiernonan, institucionnan academico, organisacionnan no gubernamental y sector priva ta clave pa implementa strategianan efectivo di conservacion di suelonan. Esaki ta inclui investigacion cientifico pa desaroya tecnica agricola sostenibel, ya cu expertonan mester studia e sistema compleho aki considerando interaccion cu especiennan y su componentenan cu ta biba den dje tin.

Suelonan ta duna sustento na tur bida den ambito terestre di e planeta y e capa fini cu ta conforme ta yama lithosfeer e cual cerca di 100 kilometer di profundidad, y ta esun responsabel di crecemento di e matanan. Ademas, ta contene miles di microorganismo y bestianan cu ta biba den dje, manera hongonan y lombrishinan. Ta e prome paso di e piramid alimentario, esencial pa sobrevivencia di tur ser bibo.

E matanan ta forma nan nutriente presente den e suelo, manera carbono, nitrogeno, fosfor y calcium. Despues, esakinan ta wordo consumi pa bestianan cu ta wordo caza pa nan depredador. Den tur e cadena, humano ta den ultimo parti. Esaki ta nifica un responsabilidad mayor pa mantene e sistema aki stabiel.

Degradacion ta causa un disminucion den e capacidad di e suelonan pa produci alimentonan. For di e Programa di Nacionnan Uni pa Desaroyo (PUND) ta manifesta cu “ta importante pa tene na cuenta cu suelo ta produci 95% di alimento cu ta consumi na mundo y cu pa 2050 e produccion agricola lo mester aumenta den 60% pa satisface solamente e demanda di alimento di e periodo ey.” Asina mes, pa conserva su bienestar y protege for di erosion no solamente ta necesario pa agricultura, sino tambe pa e bida den planeta tera.

Erosion di e suelonan ta e proceso unda e suelo ta perde su capa superficial, cu ta proporciona na matanan e mayoria di nutrientenan y awa cu tin mester segun Organismo Internacional di Energia Atomico (IAEA) ta sigura.

“Ora ta perdiendo e capa aki, productividad di e tera ta disminui y agricultornan ta perde un recurso vital pa cultivo di cuminda.”

Fenomenonan natural por ta e causa di e desgaste aki, manera bientonan, awaseronan of producto di actividad humano manera mal gestion di teranan agricola cu ta genera deforestacion, mineria y construccionnan cu ta altera un tereno natural.

For di PNUD ta splica cu e suelo, contrario na awa y aire, ta un recurso no renovabel, nan ta calcula cu mester pasa rond di 1.000 aña pa forma un centimeter di suelo. Nan ta resalta cu su conservacion ta vital debi cu agotamiento di nutrientenan lo por daña e sistema permanente aki.

Proceso di secura y perdida di nutrientenan por ta debi na precipitacionnan, cu den cierto area cada biaha ta mas comun pa via di cambio climatico of por consecuencia di actividad humano.

Den caso di un inundacion, e suelo ta encarga di absorbe awa y ward’e bao e superficie terestre.

Nan tambe ta splica cu “maneho ganadero, forestal of agricola no sostenibel, deforestacion y uso no adecua di recursonan hidrico y candela” ta afecta e tera seco di e paisnan.

Mal uso di mashinnan of mal mantencion por daña e suelo di forma ireversibel, di mesun manera si ta contamine cu productonan kimico manera azeta, gasolin of diesel.