Actuando manera un continuacion di e campaña bon ricibi di e aña aki, e tema ta concentra riba involucra Gobierno, Institucion, Empresa, y mas di mil miyon di ciudadano cu ta participa anualmente riba e Dia di Tera pa haci nan parti, tur ta responsabel y tur mester responsabilisa. Den 2023 nos mester uni un biaha mas di nobo den asociacion pa e planeta.

E empresa, e gobierno, e sociedad civil ta igualmente responsabel pa tuma medidanan contra e crisis climatico y cende e chispa pa haci cambionan rapido pa un futuro berde, prospero y cu e cambionan principal pa futuro. Nos mester uni den e lucha pa e revolucion berde pa salud di futuro generacion. Awor ta e momento pa inverti den nos planeta ta locual sra. Kathleen Rogers, presidente di Earth Day a vocifera.

Inverti den un economia berde ta e unico caminda pa un futuro saludabel y educativo. E influencia di hende tin culpa ekiboca di e calentamento di planeta y e tristo realidad ta cu den algun forma perturbacion climatico lo wordo sinti pa siglonan venidero. Sinembargo nos mester aleha colectivamente di e “Dirty Fossil Fuel Economy” y tecnologianan bieu di siglonan pasa y redirigi atencion riba e creaccion di un economia di siglo XXI cu ta restaura e salud di nos planeta, proteha nos especienan y brinda oportunidad pa un y tur.

Mundialmente gobiernonan a pone den practica varios iniciativa importante di “Green Politics” den 2022. Sinembargo casi tur pais di mundo no ta riba e caminda pa alcansa “Greenhouse Gas” (GHG) neutralisa pa 2050. Ta posibel mantene calentamento global bou di 1.5° pero di manera inmediato y significante mester di tuma accion awor, pero gobiernonan no por hacie nan so.

Diferencia di e revolucionan economico anterior, e biaha aki tin dos imperativo adicional. Salba e humanidad di e crisis climatico y construi economia berde pa asina tur individuo por beneficia di e revolucion berde . Esaki solamente por wordo hasi si nos tur hunto inverti den futuro di nos planeta.

Gobierno, empresa y ciudadanonan ta esnan esencial pa probecha di e progreso revolucionario necesario pa salba e humanidad di crisis climatico. Supera e cambio climatico ta na nos alcanse si nos traha hunto pa compromete cu e accion pa inverti den nos planeta y nos futuro colectivo.

Empresa, Inventor, Inversionista y mercadonan financiero mester genera balor pa nan institucionnan y pa sociedad por medio di inovacion y practicanan ecologico. Igual cu otro revolucionnan economico, sector priva tin e poder pa impulsa e cambio mas significativo, tanto subida y e velocidad necesario.

Gobiernonan mester incentiva su ciudadanonan, empresa y institucionan pa crea y inova, promoviendo e interes publico y crea un sistema economico global y sostenibel. E accion ambicioso riba e energia berde ta genera y creando un mayor seguridad energetico importante,y na mesun momento crea resultadonan ambiental positivo necesario pa e crisis climatico.

Ciudadanonan individualmente mester impulsa solucionan sostenibel riba tur ambito como participante y consumido.

Mitigacion, restauracion, y adaptacion na cambio climatico ta rekeri boluntad, vos colectivo di e personanan pa logra e cambio cu e planeta mester. Igual cu e revulocionnan industrial, espacial y e informacion di pasado, tur sector di sociedad por y mester desempeña un papel importante den e revolucion berde. E biaha aki cu responsabilidad pa hacie bon. Hunto nos mester inverti den nos planeta.

Santa Rosa su parti

Semper nos departamento den tur forma cu ta posibel a conseha pa trata nos planeta di e mihor forma posibel. Esaki semper a wordo menciona den e GAP (Good Agricultural Practices) mundialmente pa FDA. Un di nan ta pa purba ta mes liber di pesticidanan kimico cu por hasi hopi daño no solamente na nos tera y nos medio ambiente, pero e peliger extremo cu esaki por causa na salud humano.

Pa varios aña caba nos departamento a percura pa a pone un paro y sali completamente for di duna e tipo di servicio cu tabata benta di pesticida y duna servicio di fumiga. E servicio aki tabata wordo duna pa varios aña. Pero ya pa mas cu 10 aña Santa Rosa no ta hasi esaki mas. Semper a keda na duna conseho, si ta posibel pa no hasi esaki mas. Den caso cu e productor dicidi toch di sigui uza e tipo di pesticidanan aki riba su cultivo, pa e hacie na e mihor forma y responsabel posibel. Pero atrobe ta keda na cada agricultor pa mira esaki kico lo ta mas combiniente pe. Purba uza pesticidanan mas biologico y natural pa por combati nan plaga riba nan cultivo.

Nos por a tuma nota tambe for di experencia cu pesticidanan biologico den mayoria caso tin un costo mucho mas halto cu esun kimico. Esaki según e productor na varios ocaccion e pesticida biologico por yuda te cu cierto periodo pa motibo cu esun biologico ta yega un momento cu e ta familiarisa cu e plaga cu nan ta combatiendo y no ta trece solucion pa nan cultivo. Asina cu esaki tuma lugar mester bolbe hacie cambio den e tipo di pesticida biologico pa continua cu e combatimento. Automaticamente esaki tambe debi na cu costo por trece tambe cambio riba nan prijs di producto na momento di benta.

E punto aki ta den corto pa asina por ilustra cu Departamento di Agricultura, Cria y Pesca Santa Rosa semper tambe ta haci su maximo esfuerso pa duna su aporte no solamente pa por tin un cultivo exitoso pero tambe si den dado caso tin envolvimento di pesticidanan kimico pa uza esaki responsabel y na e miho forma posibel.