Awe 22 April ta recorda cu 46 aña cu e tema di proteccion di Naturalesa a haya atencion y a cuminsa cu un movimiento di concientisacion riba e tema. E senador di Wisconsin Sr. Gaylord Nelson a realiza cu hunto cu concientizacion publico di e efectonan di polucion di aire, awa y tera su persona lo por yuda pone e tema di proteccion di medio ambiente riba e agenda politico. E prome Earth Day a yuda na e introducion di United States Environmental Protection Agency y leynan manera Clean Air, Clean Water y Endangered Species Acts.
Directie Natuur en Milieu (DNM) ta uni na e movimiento, un biaha mas, pa yuda cu e concientisacion riba e tema di Mama Tera y su medio ambiente. E aña aki pa Earth day ta propone pa cada un persona ariba planta un mata pa asina nos yega e meta di 7.8 billion di mata planta. Asina tambe por deshaci di e idea di ta dependiente di fossil fuel. E momento ta awo, probecha di e momentum di e Paris Climate Summit unda Aruba tambe a tuma parti na dje.
E proposito ta pa den transcurso di cinco aña ora yega e di 50 aniversario, por logra yega e meta di a planta 7.8 billion mata pa mundo. Esaki ta posibel si nos cuminsa awe. Planta mata ta un initiciativa cu tin impactonan significante. Mundo lo ta e fundeshi pa un planeta limpi, saludabel y mas sostenibel pa un y tur.
Dicon planta Mata?
Matanan ta bira bek e impactonan di degradacion di tera. Mata ta provee cuminda, energia, y entrada entre otro. Matanan ta yuda comunidad pa logra sostenibilidad economico y di medio ambiente den termino largo. Mata ta filtra aire cu nos ta inhala y yuda combati e efectonan di cambio di clima mundialmente y local.
E hechonan; Dicon Matanan?
Matanan ta yuda combati cambio di clima. Nan ta absorbe e exceso di CO2 dañino for di den nos atmosfera, haciendo esaki un componente importante den startegianan pa combati cambio di clima. De facto den un aña, e cantidad di 4000 meter cuadra di matanan grandi ta absorbe e mesun cantidad di CO2 produci dor di core un auto 26,000 miles.
Matanan ta yuda pa nos inhala aire mas limpi. Matanan ta absorbe holornan y gasnan contamina (nitrogen oxides, ammonia, sulfur dioxide Y ozone e.o) asina filtra e particulanan for di den aire door di procesa esaki den nan foyonan y e stam pa asina purifica e aire cu nos ta inhala. Matanan ta yuda nos comunidad. Matanan ta yuda sostene e comunidad y yuda drecha e calidad di bida specialmente pa nos muchanan, esnan cu ta sufri di problemanan respiratorio manera malesa di asthma. Tambe matanan ta un recurso natural cu ta importante den caso di seguridad den caso di disaster nan natural manera horcan, inundacion, y na otro paisnan sneeuw storm. Y mas largo e matanan crece y keda na su luga, mas mihor proteccion e ta duna.
Kico ABO por hasi ariba dia di Tera? Join e movemento. Planta un mata pa cada miembro di bo famia pa asina yega e meta. Cuminsa recycla, composta, no come mucho carni, stop cu uzo di materialnan di plastic, cumpra productonan local, baha e consumo di electricidad. Firma peticion mundial contra efectonan di cambio di clima y combati pobresa, organisa un accion di limpiesa den bario of den bo mesun cura, uza materialnan recycla, haci un compromiso pa reduci e uzo di enegia of traha un arte pa promove concientizacion di efectonan di cambio di clima. Subi algun website informa bo mes kico ta e temanan di importancia, comparti esakinan riba rednan social usando #trees4earth #dnmaruba #earthday. Tambe nos como adulto ta esunnan prome yama pa siña nos muchanan stima nos medio ambiente y nos naturaleza, p’asina ora nan bira grandi nan proteha y conserva nos Mama Tera.
Fuente: comunicado DNM
