Ayera tabata e dia di hacimento di aña di rey di Hulanda Willem Alexander caminda esaki ta celebra tanto na Hulanda como den otro paisnan den reino manera Aruba.
Tabatin varios actividad rond di e isla como por ehemplo, pustamento di fli den varios categoria na Centro di Bario Playa Pabou y un auto-show di autonan clasico, special of customize na final di Caya Betico Croes organisa pa Frank Thieleman, na unda tur club tabata invita pa expone loke nan tabatin den garashi.
Esaki ta di dos biaha cu nan a organisa e auto-show na unda nan tambe a hacie pa dia 18 di maart.
Algun persona tabata hopi entusiasma di por come cos dushi, dal un keiro pa wak e otro actividadnan cu tambe tabatin na otro caminda y asina celebra e dia di rey cu pa nan ta hopi importante. “Nos rey ta keda nos rey y nos mester celebra hunto cune”, un persona entrevista pa redactor di Bon Dia Aruba a sigura.
