Dia 7 di mey venidero partido RED lo haci nan lista di candidato conoci y si e lo bira un lista combina

Partido RED ta cla pa eleccion y partido RED tin su periodo cu e ta busca candidato pa subi riba lista di RED y por bisa cu e aña aki RED tin un lista mas amplio di candidato pa subi riba lista di RED cu eleccion pasa.

Na e momentonan aki partido RED ta den combersacion cu diferente persona y cu si tur mester subi riba lista di RED, e partido ta mas cu contento cu e desaroyo aki. Parlamentario Ricardo Croes ta duna di conoce cu nan ta mas cu contento na e personanan cu a acerca partido RED y tambe esunnan cu partido RED mes a acerca tambe.

Partido RED democratico ta un partido cu desde di su inicio caba ta un partido cu ta bringa e fenomeno di restzetel pa cual motibo cu desde di su inicio na 2005 Rudy Lampe ta acerca partidonan chikito pa forma un lista combina pa bay campaña y desde 2017 cu Ricardo Croes a bira lider di partido RED democratico tambe a continua cu e parti aki,unda cu ta invita tur otro patido nan cu practicamente cu no tabata tin un asiento of cu no tabata den parlamento pa asina forma un lista combina.

Segun parlamentario Ricardo Croes nunca partido RED democratico a logra esaki, sinembargo pa un motibo of otro ningun partido a haya necesario of un motibo pa compronde e vision di RED y pa purba para e fenomeno di restzetel. Segun parlamentario Ricardo Croes si e lista combina a keda haci e tempo ey , e ora e partido nobo e tempo ey cu ta partido RAIZ cu a nenga y na unda e la saca mas cu 2mil voto a yuda un di e partido grandi cu un restzetel .

Asina tambe e tempo ey RED a haya diferente motibo pa kico e partidonan chikito no kier uni y por tuma nota kico ta e resultado cu tres restzetel y cu un di e partidonan tradicional a sinta y a bolbe gosa di mas poder cu defacto nan no a haya e voto.

Sinembargo e aña aki lastimamente partido RED a bolbe haci diferente acercamento na partidonan cu a haya lider nobo y tambe na partidonan nobo cu a lanta pa asina wak si ta compronde e ideologia di partido RED. E aña aki un biaha mas partido RED a haci su esfuerso pa acerca diferente partidonan nobo y partidonan cu a haya lider nobo, pero lastimamente no ta mira un positivismo pa por bringa e fenomeno di restzetel.

Sinembargo e aña aki tin un excepcion unda cu actualmente ta sintando cu dos partido y ta spera cu pa fin di e siman aki e decision lo tey. Si tin un lista combina cu un of dos partido, of pa cua motibo cu ta cu partido RED no a logra cu no por a yega na otro tog pa por forma un lista combina, partido RED lo respeta esaki.

Sinembargo tambe tin informacion cu tin otro partidonan cu a acerca otro , mescos cu a pasa den eleccion cu partido UPP y PPA a uni.

Partido RED ta desea tur partido politico y tambe tur partido politico nobo cu ta premira cu kier haci algo pa pais Aruba hopi exito. Parlamentario Ricardo Croes ta laga un mensahe atras pa tur e partido nan nobo cu si nan no ta compronde e fenomeno di restzetel e ora ey no lo mester ta straño cu na final di eleccion , si no a saca asiento e votonan a dies bay pa haci partido grandi mas fuerte y porta cu un gobierno tradicional lo bolbe sinta. Si mester mira e desaroyo por tuma nota cu ambos partido grandi ta buscando pa nan tin e maneho absoluto, pero nos tur sa kico esaki ta significa pa pais Aruba tambe. Segun Parlamentario Ricardo Croes e gobierno aki no merece un gobierno absoluto y sigur sigur ningun di e gobierno nan tradicional.

Pa partido RED sigur minister Rudy Lampe ta bay eleccion y parlamentario Ricardo Croes ta bay eleccion , pero tambe sra Kinsasha Thielman -van der Bliek ta e prome candidato cu ta keda postula riba lista di partido RED y otro siman lo cuminsa anuncia e otro candidatonan cu lo uni cu partido RED y tambe si ta logra pa e dos partido nan pendiente den combersacion uni cu partido RED. Dia 7 di mey Aruba completo lo haya sa di e pasonan cu partido RED ta tuma.