Leerorkest ta un programa social y preventivo unda e muchanan ta siña traha hunto, scucha di otro, ta siña nan disciplina y motiva nan den nan desaroyo musical.
Leerorkest ta brinda nos muchanan pa siña conoce 9 diferente instrumento cual e muchanan lo profundisa riba un instrumento a base di nan interes.
Cada aña escolar e muchanan ta haci 2 presentacion, uno durante Pasco y e otro na final di aña escolar.
Desde 2020 Leerorkest Aruba a percura pa lesnan di instrumentonan musical na 5 scol basico na Aruba durante orario di scol.
Cu hopi orguyo nos ta anuncia cu diabierna awor, dia 28 juni e muchanan di e scolnan aki lo haci un presentacion en grande na IMax Gloria di 9 – 11 a.m.
Lo bay tin alrededor di 550 mucha di e 5 scolnan basico presente:
1. Prinses Amalia Basisschool
2. Colegio Laura Wernet-Paskel
3. Graf von Zinzendorf Basisschool
4. Aruba Adventist Academy
5. St. Paulus Basisschool
Bo persona ta keda cordialmente invita den sala di Gloria.
Muchanan lo deleita nos cu 4 cantica y hasta e muchanan cu ta siguiendo e programa despues di ora di scol lo bay duna nos un bunita presentacion.
Nos ta conta cu bo presencia pa bo demostra bo apoyo y sosten na nos muchanan.
