Departamento di Impuesto ta participa cu su oficinanan lo ta cera dia 20 y 27 di februari proximo. Dia 20 di februari ta un dia di ATV colectivo y dia 27 di februari ta e dialuna despues di parada grandi di carnaval na Oranjestad. Tambe ta informa cu otro siman e oficina di Departamento di Impuesto na Camacuri lo ta cera pa publico.
Lo brinda servicio di caha y servicio na cliente den e diferente districtonan. Departamento di Impuesto ta participa cu su oficina principal na Camacuri lo ta cera pa publico en general dia 21, 22, 23 y 24 di februari proximo (henter siman). Esaki en conexion cu trabounan di construccion necesario. E servicio di caha na Noord, Paradera, Santa Cruz, Savaneta y San Nicolas lo continua manera custumber y durante siman lo brinda servicio na cliente na MFA Noord y Paradera dia 21, 22, 23 y 24 di februari. Entrante diamars, dia 28 di februari 2017, e oficina principal na Camacuri lo habri bek pa publico brindando su servicionan manera custumber. Departamento di Impuesto ta pidi su clientenan pa tuma nota di e fechanan menciona pa evita cualkier inconveniencia.
