E diferente partidonan politico ta bay hiba campaña pa logra mas tanto voto pa di e forma ey haña representacion den Parlamento.
Eleccion liber, secreto y honesto ta na base di un estado di derecho democratico.
E interes ta hancra den Areglo di Estado y areglonan internacional Un votado tin e drechi pa baha su voto sin ningun influencia y pa tene su decision pa su mes.
Participacion na eleccion ta un drechi adkiri di hopi importancia, cu na hopi pais na mundo no ta un algo usual y normal.
Un manera cu eleccion no ta resulta di un forma honesto ta na momento cu ta cumpra of bende voto, sea ku plaka kèsh òf di otro forma manera fabor/promesa.
Semper na momento di eleccion ta yega na Ministerio Publico (OM) señal cu votado ta laga cumpra nan mes pa vota riba un cierto partido politico of persona.
Esaki ta influencia un proceso liber i honesto di eleccion y ta ademas tambe castigabel. Ministerio Publico ta mustra pa e motibo aki cu ta prohibi y castigabel pa paga un votado pa su voto.
Tambe ta prohibi pa haña pago pa vota riba un partido politico of un persona specifico. Tanto esun cumpra of esun cu ta ofrece ta castigabel conforme nos Codigo Penal di Corsou cu un condena di maximalmente 2 aña.
Ministerio Publico ta bay ta alerta durante e proximo temporada di eleccion riba tur señal di soborno. OM ta alerta y ta bay investiga tur señal cu yega cerca nos.
Artikel 2:44 Wetboek van Strafrecht Curaçao
Lid 1. Hij die bij gelegenheid van een krachtens wettelijk voorschrift uitgeschreven verkiezing door gift of belofte iemand omkoopt om zijn of eens anders kiesrecht hetzij niet, hetzij op bepaalde wijze uit te oefenen, wordt gestraft met gevangenisstraf van ten hoogste twee jaren of geldboete van de vierde categorie.
Lid 2. Met ten hoogste dezelfde straf wordt gestraft de kiezer of de gemachtigde van een kiezer die zich door gift of belofte tot een of ander laat omkopen.
