Pa mas cu 3 aña, nos a papia di diferente type innovacion cu lo por hisa calidad di bida di tur Arubiano, aumenta crecemento economico y diversifica entrada. Mi lo conseha cua gobierno cu lo sinta despues di eleccion binidero, riba e prome dia cu drenta Cocolishi pa haci un “Innovation Readiness Scan” di tur sector na Aruba, incluso Gobierno, Energia, Salubridad, Asunto Economico, Transporte y Telecomunicacion.
Awo na e momento akinan simplemente no tin suficiente “brainpower” di ningun Ministerio pa echt traha un plan Strategico di Innovacion y con por implementa tur sorto di innovacion den un manera structura y den volgorde cu unda lo por construi tur sorto di proyecto y crea sinergia entre sector, proyecto y inversion. Tambe e factornan ultra-complica di organisacionnan y e Change Management cu proyectonan innovativo lo encera.
E prome stap ta pa haci kico academicamente ta wordo yama un “Innovation Readiness Scan”.
Innovation Portfolio Management
Nos por nota cu tin hopi diferente sorto di innovacion, tin cu ta rekeri mas tempo, inversion y proyectonan mas chikito. Hopi biaha proyecto grandi lo tin un Return-on-Investment mas abao pero den su totalidad lo tin un impacto mas halto riba largo plaso.
Como ehempel ilustrativo:
Nos lo kier haci Aruba completamente independiente pa cu energia. Esaki lo encera haci tur cas eficiente pa energia combina cu panel solar.
Awo pa haci un cas isola lo sali 6.000,- florin y esaki por wordo implementa rapidamente tambe. Duna un cas panel solar di 10KwH lo costa mas o menos 17.000 y ta rekeri hopi mas experticio y mantencion di por ehempel e red electrico.
Isola cas tin un RoI di mas o menos 75% y esun di Solar mas o menos 35%. Den un prome fase lo por haci un proyecto piloto di isola 10 cas y haci estudionan hopi riguroso pa wak ki metodo di isolacion ta mas eficiente. Despues cu tur e conocemento gana ta haci un proyecto mas grandi di por ehempel isola 100 cas. Na mesun momento ta cuminsa planifica y prepara pa un proyecto piloto di haci 10 cas den 1 bario cu panel solar.
E take-home-message ta pa cuminsa prome cu proyecto chikito cu por wordo implementa rapidamente, cu relativamente tiki inversion y cu un RoI halto. Den circulonan academico esaki ta wordo yama “low hanging fruit”. Despues cu e besparing y ganashi di implementa e proyectonan low hanging fruit ta inverti pa e proyectonan mas grandi y complica.
Mi lo duna un di dos ehempel:
Nos lo desea pa hospitalnan na Aruba ta completamente “Smart+”. Esta un hospital full automatisa mas hopi cu ta posibel cu Inteligencia Artificial cu Algoritmonan Preventivo y unda eigenlijk tur proceso den un hospital mundano no mester trahador humano, pero unda e talento humano por wordo reinverti y usa pa pacient malo/compleho/hoogwaardige zorg.
Awo no por yega fo’i un dia pa otro cambia tur proceso den Hospital y purba haci esaki “Smart+” den un solo shot.
Ta cuminsa por ehempel cu un proyecto piloto di automatisa e afdeling di telefonista di Spoedeisende Hulp cu AI. Awo e proyecto relativamente chikito aki, lo siña hopi y lo haci diferente observacion. Na mesun momento ta prepara pa otro proyecto nan mas grandi manera por ehempel automatisa full e afdeling di Radiologie & Pathologie. Siguiendo asina lo langzaam maar zeker den manera coordina y plania crece na e meta di largo plaso cu ta un “Smart+” Hospital.
Dus proyectonan piloto chikito di prome e Low Hanging Fruit den cada sector. Sigui pa un expansion di piloto. Despues usando e ganashi y conocemento cu e proyectonan Low Hanging Fruit trece bin cu proyecto mas grandi y complica.
Asina lo crea kico ta yama “Innovation Portfolios” pa cada sector cu proyectonan chikito, proyectonan mediano y esunnan grandi. Den nos siguiente columna nos lo toca e topico di “Sinergia” entre proyectonan den manera directo pero tambe con un proyecto den full un otro sector por ta beneficio pa full un otro sector.
