BECKUM—Team di aresto a detene un di tres sospechoso relaciona cu e tiroteo na e casamento na Beckum.
Den e tiroteo un dama di 70 aña a keda gravemente herida. E homber (24) cu a detene ta di Almelo, segun polis. Anteriormente a detene caba dos homber di 21 y 22 aña tambe di Almelo. E ultimo a keda libera diaranson, pero ta keda como sospechoso.
Den e tiroteo dia 2 februari den sala di fiesta na Beckum 3 hende a keda herida. E dama di 70 aña ainda ta den hospital. E tiroteo a tuma luga durante un fiesta di casamento. Segun testigonan diripiente nan a tende tironan. Tin e sospecho cu e sospechosonan no tabata invitado di e fiesta, pero a yega na e fiesta pa regla cuenta cu un invitado.
