Den e caso di otorgamento di tereno pa Leoncita sea su famia, un otro keho a drenta na Ministerio Publico contra dje y minister di Infrastructura Benny Sevinger.
Diahuebs Jan de Ruijter a entrega un keho contra e dos persona aki. Segun e corant Solo di Pueblo el a hiba un caha cu documento y ‘hasta e prueba cu ta mustra cu Leoncita ta doño di Deshaun NV’ unda por mira speculacion cu tereno. Un par di siman pasa lider di POR Otmar Oduber tambe a bay Ministerio Publico pa entrega un keho unda ta menciona speculacion cu tereno di parti di Leoncita Arends. Te awor sra. Arends no kier reacciona riba e acusacionnan. Minister Sevinger si a comenta den nos corant cu e no a haci nada robes y si tin hende cu ta pensa otro, pa tuma pasonan cu nan ta kere ta necesario.
