Diadomingo anochi pa mas o menos 11:15, central di polis ta wordo notifica di un accidente riba e caminda di Camacuri na altura di Aruba Bank. Un auto lo a alcansa un peaton.
Central di polis ta despacha unidadnan di polis na e sitio di e sucedido, segun un comunicado di polis.
Na yega di e prome patruya ta bin encontra cu un persona masculino banda di caminda y tabata mustra hopi critico. Mirando su situacion, a pidi ambulance cu maximo urgencia.
Na e sitio polis ta topa tambe cu e auto KIA Sportage color preto A-18809. Polis a acerca e chauffeur na unda ta constata cu e lo ta bao influencia alcohol y ta bay over na test e. Mirando e resultado a detene e chauffeur di e auto KIA Sportage .
Un rato despues ambulance ta presenta, pero no por a haci nada mas pa e victima.
Pa 11:45 Dr. Texier ta constata morto di e homber Altair Jaques Brelaz, naci na Brazil di 54 aña di edad y bibando na Aruba. E famia a identifica e victima di e morto den trafico.
Specialista di trafico y polis tecnico/forensico a presenta na e sitio pa haci nan investigacion.
Departamento di Slachtofferhulp tambe a presenta.
Cuerpo Policial y Bon Dia Aruba ta manda palabra di condolencia na famia di e fayecido.
