Un tribunal di Peru a dicta sentencia di prizon preventivo durante 18 luna contra ex funcionario Edwin Luyo, prome persona cu a ser deteni den investigacion relaciona cu soborno di empresa di Brasil Odebrecht na Peru, comunicado oficial a bisa.
E di tres huzgado penal di investigacion preparatorio a duna un decision na persona di hues Ricardo Manrique, contra un ex miembro di comite special di licitacion publico di linea 1 di metro di Lima, durante di dos gobierno di Alan Garcia (2006-2011).
Castro, fiscal anti-corupcion a confirma informacion tocante Luyo, y a menciona cu dato di investigacion a sali den un acuerdo cu tabatin entre ministerio publico di Peru y Odebrecht. Segun informacion aki ex funcionario a haya “dos donativo” pa faborece empresa ey cu adhudicacion di caminda 2, linea 1 di metro di Lima-Peru.
Despues di 5 ora di audiencia e hues Manrique a considera cu ta existi un peligro di fuga y obstaculisacion di husticia di banda di Luyo, y a ordena prizon preventivo caba. Luyo a afirma cu e ta bay enfrenta husticia, y no bay fuga manera su compañeronan a bay. Mi ta permanece akinan pa duna tur berdad. El a referi tocante Jorge Luis Cuba, ex vice ministro di comunicacion, ken mester bay den prizon pero el a fuga na Merca.
Fiscal Castro a indica cu Odebrecht a paga mas di siete miyon di dollar pa tuma e contrato di linea 1 di metro na Lima. Odebrecht a admiti paga 29 miyon dollar na soborno na funcionario di gobierno di Peru entre 2005 y 2014. Durante periodo ey tabata goberna Alejandro Toledo (2001-2006), Alan Garcia (2006-2011) y Ollanta Humala (2011-2016), den acuerdo cu a firma Odebrecht hunto cu departamento di husticia di Merca nan a bisa.
