Ministerio Publico a informa cu sospechoso den caso Ibis E. Giovanni Capriles su detencion a wordo suspendi. Alabes su detencion a wordo prolonga pa 30 dia.
Hues comisario a dicidi pa prolonga e sospechoso su detencion cu 30 dia y na mes momento suspende esaki despues cu Ministerio Publico a haci peticion pa tur dos cambio.
E sospechoso a bay cas despues cu e decision a bira vigente entrante awe merdia. ‘E sospechoso lo sigui como sospechoso numa no mas tras di tralies.’, vocero di Ministerio Publico a splica.
Vocero di Ministerio Publico a clarifica cu sa prolonga y alabes suspende detencionnan den otro casonan tambe. Esaki tambe tabata e caso cu otro sospechosonan den investigacion di caso Ibis.
“Si no ta absolutamente necesario pa tene un persona den detencion, no ta tene”.
