Segun informacion di Ministerio Publico di Aruba y Hulanda, autoridadnan di Aruba a detene un Hulandes di 66 aña na Aruba. Esaki ta relaciona cu un investigacion riba labamento di placa, fraude fiscal y falsificacion di documento.

Siman pasa autoridadnan di Aruba a detene un persona nacionalidad Hulandes di 66 aña di edad relaciona cu labamento di placa, fraude di impuesto, falsificacion di firma y solicitud di beneficio uzando documentonan falsifica. E sospechoso di nacionalidad Hulandes ta doño di un compleho di apartamento na Aruba. E tin un cas tambe na Hulanda anto e ta huur ambos propiedad. E sospechoso aki ta biba den un di e apartamentonan aki na Aruba.  E sospecha ta cu e propiedad aki ta cumpra cu placa sushi anto cu a genera fondo den e manera aki pa laba placa. Tambe e sospechoso ta wordo acusa di comete fraude fiscal, haciendo peticion pa uitkering cu payslipnan falso. Segun informacion di Ministerio Publico na Hulanda, na 1994 e sospechoso a wordo condena pa trafico di droga. Corte a dun’e dos aña y mey castigo di prizon conhuntamente cu un multa. E sospechoso a keda entrega na Hulanda ayera anto a confisca a un miyon euro entre Aruba como na Hulanda.

Extradicion pa Hulanda
Segun e texto publica textualmente di Ministerio Publico di Hulanda riba 31 di januari 2017 ta sigui describi: Cuerpo Policial di Aruba, FIOT di Aruba y Ministerio Publico di Aruba a haci un entrada na un compleho di apartamento riba 23 di januari. Akinan a tuma administracion, placa di huur y bienes. E sospechoso a keda deteni den su apartamento anto awo Hulanda a pidi autoridad di Aruba pa extradit’e pa Hulanda.

Cooperacion
E investigacion penal aki ta ser ehecuta  door di un asina yama ‘CombiTeam’ cual ta un cooperacion entre Polis y Fiot. Esaki pues ta concentra riba e combinacion di crimen organisa y labamento di placa pa medio di un structura financiero. Tin mester di facilitadonan pa labamento di placa pues manera servicio financiero y oficina di ‘trust’ pero tambe ‘geldkoeriers’ y por ehempel un ‘stroman’. Akinan ta trata di criminalidad cu ta pues atacha integridad di mundo baho di criminalidad y esun normal. E CombiTeam ta wordo maneha door di e ‘Landelijk Parket’ y e ‘Functioneel Parket’. Banda di esaki e CombiTea ta conduci investigacionnan riba criminalnan cu a genera hopi placa y cu por wordo localisa a base di construccionnan financiero compleho.

Fuente di foto: www.om.nl y www.europedirect.lt/euro