Ministerio Publico a anuncia ayera cu hues comisario a prolonga e detencion di Paul Croes y su chauffeur Roque Aparicio cu dos biaha 8 dia. Esaki relaciona cu e caso di corupcion Ibis.
E noticia aki a bin despues cu siman pasa OM a anuncia cu lo prolonga e dos sospechosonan su detencion cu 8 dia. Segun procedura normal, e prolongacion aki nifica cu ambos persona lo wordo translada pa KIA.
Pa loke ta trata e sospechoso Croes, su abogado a purba via corte pa suspende e detencion y tambe pa haya acceso na mas ‘stukken’ di e caso. E peticionnan aki a ser nenga.
