(NewYorkPost)— Siguiendo un prueba radical exitoso riba pashentnan di cancer, un test di sanger nobo cu ta priminti pronosticacion di tumor mas cu un aña prome cu nan cuminsa forma ta wordo aplica actualmente den hospitalnan na Reino Uni. E futuro di tratamento di cancer—aclama como e “Santo Grial” di deteccion trempan—awo ta den proceso di test.

“Esaki ta e prome test di sanger pan-cancer,” segun Ashish Tripathi, ken ta doño y CEO di Tzar Labs, y tambe president di Epigeneres Biotech, e agencia Hindu unda e test a wordo desaroya na 2021. Un update riba e descubrimento a wordo publica e luna aki den e revista medico Stem Cells.

Den un prueba cu 1.000 participantenan—500 sin cancer y 500 cu cancer—investigadonan por a anticipa precisamente e formacion di tumor entre casi 25 tipo di cancer, incluyendo tur variantenan mas predominante y mortal, manera cancer di mama, pancreas, pulmon y colorectal. A hasta descubri cu algun participantenan den e grupo “no-cancer” tambe tin un predisposicion pa cancer den futuro.

“Nos no a haya ni un negativo falso, ni un positivo falso,” Tripathi a nota.

Hospitalnan den Reino Uni a cuminsa implementa e metodo nobo caba pa sigui haya prueba di concepto, mientras cu investigadonan ta spera cu pronto nan por hiba esaki na Merca.

Dr. Sherif Raouf, ken ta un specialista di cancer gastrointestinal cu ta bay lidera un prueba na St. Batholomew’s Hospital na London a bisa, “detectando cancer den su etapa trempan ta e santo grial di medicina pa cancer.”

“Normalmente esaki no ta un proceso facil. Hopi pashent ta ricibiendo scan, biopsia y afspraaknan clinico. Pa tin un test di sanger pa detecta e presencia di cancer den su etapa trempan—of hasta prome cu e desaroya—por salba hopi bida.”

Aunke tin un cantidad di metodo di screen basa riba sanger pa cancer den desaroyo, e metodo di e team di Tripathi ta diferencia pa medio di enfoca riba un stem cel cu un marca pa cancer, en bes di busca celnan di tumor cu ta presente caba. Esaki ta permiti nan pa determina si cancer ta den horizonte prome cu e celnan progresa den un tumor.

Tur cell—sea bon of malo—ta cuminsa como un stem cel, y esnan cu ta forma pa tumor tin marcanan genetico cu ta laga nan haci esaki.

Ta tuma 1biyon cel di cancer pa forma un tumor cu ta midi solamente 1 centimeter cuadra—cual ta un masa chikito pa detecta hasta cu CT scanner. Pero den e curpa, e tumor ey ta plama celnan di cancer manera cu esaki crece, e turno causando e celnan aki pa drenta e sanger y cuminsa traha tumornan nobo den varios organo.

Mayoria di e testnan di sanger pa cancer cu a wordo desaroya a wordo traha pa descubri celnan di tumor desaroya caba cu ta den e sanger. E metodo aki por causa negativonan falso, segun Tripathi, pasobra cu no tur muestra di sanger tin e celnan ey.

“Y akinan ta unda nos a logra algo miho. Tur compania di biopsia likido…tabata buscando pa e fragmentonan aki di cel den sanger,” segun Tripathi a splica. Desafortunadamente, “hopi tiki” celnan di tumor ta circulando den e etapanan trempan di cancer.

Y pa etapa 3 y 4, ora cu celnan di cancer a plama den sanger caba—suficiente pa detecta cu metodonan convencional—casi semper ta laat pa tratamento.

E test “pronostico” nobo no ta solamente mira cancer den etapa 1 y 2, pero tambe por descubri stem cel di un pashent cu por desaroya pa cancer prome cu e prome etapa—te cu 18 luna avansa. Esaki por duna dokter un bentaha grandi pa loke ta tratamento obhetivo pa preveni e formacion di tumor.

Esaki ta bon noticia pa esnan cu a haya diagnosis di cancer tambe. Unda cu biopsia tradicional por yuda determina si un tumor ta metastico of no, e test di sanger nobo por bisa exactamente cua organo e celnan di tumor lo afecta.

“E ultimo investigacion na Merca a mustra cu na momento bo haci biopsia, bo ta acelera e actividad di e tumor,” Tripathi a nota, bisando tambe cu esaki tambe ta pakico biopsia tradicional no ta suficiente. Nan test di sanger por wordo conduci sin causa daño na e pashent.

Pa e motibo aki, e metodo di screen aki tambe por wordo uza pa controla e exito di tratamento di cancer, segun Tripathi. “E curpa ta dispuesto pa conta bo si medicamento ta trahando of no den un periodo di 15 dia…no tin ningun herment di diagnosis disponibel cu por midi esaki cada 15 dia, pasobra bo no por keda tuma biopsia di un pashent.”

Tripathi tin hopi speransa pa e metodo nobo aki. “Loke nos ta desea ta un mundo unda nos tur por tuma e test ki cada aña, y cu nos lo por descubri cancer den su prome etapa of mas trempan ainda—tur biaha—unda esaki ta bira mas curabel.”