(NLTimes)—PVV a keda sorprendi tocante henter e fraccion di VVD den e Senado señalando nan intencion pa vota en fabor di un medida pa distribui buscadonan di asilo hustamente entre municipionan, cual lo forsa hopi cu no kier pa tuma nan asina mes. Despues di un dia completo di discusionnan, lider di PVV Geert Wilders a sugeri ayera anochi cu e division entre e dos partido no a ser resolve durante discusionnan diseña pa prepara discusionnan pa forma e gabinete nobo.

Ora e discusion a conclui rond di 6:30 di anochi, Wilders a conta reporteronan cu e problema no a ser resolvi ainda. “Mi ta spera nos por yega na un acuerdo,” manera el a bisa. “Transparencia no ta yuda durante e etapa aki. Nos ta den discusion ainda.”

E partido PVV semper tabata den oposicion di e medida pasobra e ta pone presion riba e municipionan pa ricibi buscadonan di asilo. limitando inmigracion ta un problema politico importante pa e partido derechista. Na mesun momento, Wilder lo hay’e casi imposibel pa forma un gabinete sin e VVD, a pesar cu su partido tin e mayoria asiento den Tweede Kamer siguiendo e eleccion na november 2023.

Lider di VVD Dilan Yeşilgöz no a papia cu reporteronan ora e reunion a caba, pero atardi el a bisa cu “tur problema por ser resolvi.” El a purba ignora e declaracionnan di Wilders ora el a papia cu e reporteronan. Lider di BBB Caroline van der Plas a bisa cu e dia a ser marca pa “combersacion hopi bon y hopi intensivo.” Lider di NSC Pieter Omtzigt a scoge pa no duna comentario mainta of atardi. E cuatro partidonan a acorda previamente pa e lider di formacion di gabinete, Ronald Plasterk, limita comentario na prensa durante e fase aki. E lidernan lo reuni atrobe diahuebs.

Prome cu e eleccionnan parlamentario, VVD a kita su apoyo pa e legislacion cu lo duna gobierno e opcion pa forsa municipionan pa participa den un distribucion husto di buscadonan di asilo. aproximadamente un tercer di municipio Hulandes no a tuma ningun buscado den 12 aña, manera RTV Noord a descubri recien. E hecho cu e politiconan di VVD den e Senado a dicidi pa apoya e ley di secretario di estado demisionario Eric van der Burg a bin como sorpresa.