(DiarioLibre) – Despues di conclui dos dia di bishita oficial na Haiti, presidente di e Asamblea General di Organisacion di Nacionnan Uni (ONU), Dennis Francis a solicita na comunidad internacional pa acudi den ayudo di pueblo Haitiano, door di considera cu no por warda mas.
Francis a publica un mensahe riba su rednan social den cual el a indica cu el a biaha pa Haiti pa sigura e pueblo Haitiano cu no a lubida riba nan.
El a destaca cu violencia interminable ta afecta tur aspecto di nan bida. “Mundo mester yuda e pueblo Haitiano stop e violencia y traha cu nan pa yega na paz, progreso y prosperidad di Haiti, un pais yen di potencial. Nos no por warda mas,” el a indica.
E presidente di Asamblea General di ONU tabata dialuna y diamars na Haiti den un bishita den cual el a sostene reunionnan cu diferente representante di e sectornan gubernamental, politico y di sociedad civil.
Durante su prome dia di bishita, e funcionario di ONU a reuni cu Prome Minister di Haiti, Ariel Henry, segun e oficina di Francis y di Prome Minister Haitiano a informa.
E presidente di e Asamblea General di ONU a expresa na e hefe di e gobierno Haitiano e solidaridad di e comunidad internacional cu e pueblo Haitiano.
Diamars, Francis a sostene un reunion cu un grupo di lidernan di partidonan politico y miembronan di e sociedad civil di Haiti.
E presidente di Asamblea General di ONU a reuni tambe riba diamars cu Mirlande Manigat, ex-prome dama di Haiti y presidente di eAlto Conseho di Transicion.
“Mi ta elogia e trabao di e Conseho pa su apoyo den e coordinacion di dialogo politico y e blachi di ruta di gobierno pa e transicion y e regreso na democracia,” el a indica.
E presidente di Asamblea General di ONU a bishita Colegio Nacional Republica de Estados Unidos, unda el a wordo ricibi pa e hobennan.
