(AP) – Pfizer tin plan di busca aprobacion pa un di tres dosis di su vacuna di dobbel dosis contra COVID-19.
E trahado do medicina a bisa riba diaranson cu nan a cuminsa e proceso di aplicacion pa un di tres dosis di su vacuna pa tur hende di edad 16 bay ariba. E compania a bisa cu nan lo completa e aplicacion cu Food and Drug Administration pa final di e siman aki.
E Food and Drug Administration anteriormente e luna aki a bisa cu recipientenan di transplante di organo of algun otro cu tin un sistema inmunologico mas debil por ricibi un extra dosis di e vacuna PFizer of Moderna. Despues di esaki, siman pasa e oficialnan di Merca su salud a anuncia nan plan di duna un tercer dosis di e vacuna contra COVID-19 na tur Mericano pa asina nan por sigura nan proteccion den bista cu e variante delta ta causando hopi daño den e pais actualmente.
E plan a ricibi hopi critica di cientificonan den World Health Organizatin, ken a nota cu e paisnan cu menos recurso actualmente no ta ricibiendo suficiente vacuna pa apenas nan prome ronda di vacunacion.
Pfizer su vacuna, cual a ser traha conhuntamente cu Alemania su BioNTech, a ricibi un aprobacion completo di Food and Drug Administration anteriormente e siman aki, tambe pa e personanan di edad 16 bay ariba. Anteriormente e vacuna tabata ser duna na e gruponan aki bao di permiso di uso pa emergencia, cual te ainda ta e caso pa e edadnan entre 12 pa 15 aña.
Mas di 200 miyon di e vacuna PFizer a ser duna den Merca, y otro miyones mas rond di mundo desde cu el a ricibi e aprobacion di emergencia aki den Decemeber.
E 3 vacunanan usa den Merca traha pa Pfizer, Moderna y Johnson & Johnson te ainda ta haciendo un bon trabao den prevencion di hospitalisacion y mortonan pa causa di COVID-19. Sinembargo, e vacunanan no ta aparenta di ta asina fuerte den contra di e variante delta, di mesun manera cu e tabata ta pa cu e variantenan anterior.
E plan di Merca pa cu e extra dosis aki lo mester ser duna mas o menos 8 luna despues di a ricibi e di dos vacuna di of PFizer of Moderna.
Tambe riba diaranson, Johnson & Johnson a anuncia cu e personanan cu a ricibi un di dos dosis, cual lo ta e extra dosis di nan vacuna, a mira un gran diferencia den proteccion y e cantidad di anticurpa cu a ser traha contra di e virus. E trahado di medicina aki tin plan di reuni cu reguladornan pa asina por ofrece un extra dosis.
Moderna ta premira di haci e mesun proceso aki. Moderna a anuncia riba diaranson cu nan a completa nan aplicacion na Food and Drug Administration pa asina por tambe ricibi aprobacion completo pa nan vacuna di dos dosis, cual ta un di e unico 3 vacunanan usa den Merca actualmente.
