Placido Domingo a bolbe Europa pa ricibi e premio lifetime achievement despues di un enfrentamento cu coronavirus, primintiendo den un entrevista cu un corant Italiano cu e lo proba su inocencia di acusacionnan di mal conducta sexual.
Presentacion di e leyenda di opera ayera pa acepta e premio di Austria Music Theater tabata su prome presentacion publico desde cu el a recupera di e virus na su cas na Acapulco, Mexico.
“Ta un berdadero honor pa ta aki y presencia e prome rayonan di felicidad y speransa despues di cay y sobrevivi virus di Covid-19”, el a bisa. “E ultimo lunanan aki di lockdown, nos a ripara nos fragilidad. Nos teatronan rond mundo a cera y ta den silencio. Pero ta precisamente den e temponan aki cu nos ta descubri nos fortalesa interior.”
Anteriormente, Domingo, di 79 aña di edad a bisa La Republica cu e malesa a hacie ‘perde miedo di papia’ tocante e acusacionnan reporta pa AP cu virtualmente a termina su carera di concierto na Merca y su natal Spaña.
“Na momento cu mi a haya sa cu mi tin Covid, mi a priminti mi mes cu si mi sobrevivi, mi lo lucha pa proba mi inocencia”, Domingo a bisa. “Mi nunca a abusa niun hende. Mi lo ripiti esey tanten cu mi ta bibo.”
Aña pasa varios muhe a acusa Domingo di acoso sexual y abuso di poder mientras e tabatin posicion di management na LA Opera y Washington National Opera, cu decenas di hende bisando cu su comportamento tabata un secreto habri den mundo di opera. Mayoria di e acusadonan a papia den condicion anonimo.
E acusacionnan a dividi e industria, cu casnan di Opera Mericano cancelando presentacionnan di Domingo, y casnan Europeo principalmente parando banda di dje. E ta a punto di embarca den un kalender Europeo druk pa herfst, incluyendo presentacion na Caserta cerca di Naples, Verona Arena y La Scala na Milan.
Investigacionnan di American Guild of Musical Artists y LA Opera a haya acusacionnan di mal conducta sexual contra Domingo tabata creibel.
Domingo a bisa La Republica cu un disculpa spring ultimo, despues cu AGMA a conclui den su investigacion cu el a participa den ‘actividad inapropia for di coqueteo te avancenan sexual paden y pafo di pia di trabou’ tabata mal interpreta. “E presuncion di inocencia den mi caso a desaparece na momento cu medionan a publica un texto di mi disculpa”, Domingo a bisa.
El a nota cu a prepara su declaracion pa cumpli cu un peticion di e sindicato, pero esaki a keda revela trempan despues cu AP a revela e noticia di resultadonan di e investigacion. Domingo a bisa cu e texto revela na medionan ‘tabata parce un mea culpa’ y ‘a presta su mes na e impresion aki’ cu el a duna un admision completo di culpabilidad. Den e declaracion ey, Domingo a bisa e muhenan cu a acus’e di mal conducta: “mi ta hopi sorry pa e daño cu mi a causa nan. Mi ta acepta completo responsabilidad pa mi actonan.”
He noted that his statement had been prepared to comply with a union request, but was released early after the AP broke the news of the investigation results.
El a busca pa remedia e impresion e tempo ey door di haci amienda rapido na e disculpa cu un mensahe riba Facebook, bisando en parti: “Mi nunca a comporta agresivamente contra niun hende, y mi nunca a haci nada pa obstrui of daña carera di niun hende.”
Papiando cu La Republica, Domingo a bisa cu e acusacionnan a daña su carera ‘enormemente’.
“Y mi no ta pensando solamente riba mi carera”, el a bisa. “Ta haci mi dolor pa wordo describi di e forma aki. Mi a lesa hasta insultonan pisa hacia mi persona. Esunnan cu ta skirbi ta subestima e dolor cu nan por causa. Nan ta papia di mi como si mi a wordo enhuicia den corte riba cargonan specifico, pero esey no ta e caso. E ambiguedad aki no ta aceptabel. Ami nunca lo stop di bisa e berdad.”
