Awe mainta ta tuma luga otro reunion den e fase final di e negociacion largo di e contracto colectivo (CAO) pa mas cu mil trahadonan di Dr. Horacio E. Oduber Hospital (HOH).
Varios luna a transcuri debi na incidente entre gerencia d hospital y sindicato ABV, pero tambe pa e cambionan operacional cu gerencia di hospital a propone di trahamento di warda. E trahadonan di cierto edad no ta core ya cu esaki ta un beneficio cu nan a adkiri, manera e cambio di edad di pension tambe cu tambe tin su efectonan. Igualmente e echo cu e trabou di renobacion y expansion di hospital ta bin tumando luga, esaki a trece su retonan cune cu a afecta e ritmo y ambiente di e negociacion aki.
Pero tur cos ta mustra un luz na final di e tunnel. Awe ta tuma luga un di e ultimo reunion, eventualmente e penultimo reunion, caminda e posibilidad t’ey cu finalmente lo firma un CAO na final di november pa un periodo di 3 aña. Actualmente tin un documento ariba mesa di negociacion redacta pa e partidonan, y awe nan lo repasa e texto final.
