ORANJESTAD – Alto comisario Dolfi Richardson ta bisa cu e ‘lo elabora riba e supuesto critica di SPA’ despues di e entiero di polis Tino Ruiz. Esaki lo tuma luga diaranson.
Diabierna polisnan miembro di sindicato SPA a entrega un carta na minister di Husticia unda a expresa nan disgusto cu mando policial. E mando y tambe alto comisario no ta duna nan suficiente respet, segun e sindicato. Problemanan structural manera falta di personal, material y training, tambe ta keda sin solucion, segun nan. E hefe maximo di Cuerpo Policial no a reacciona ainda. Ayera el a manda un relato si pa prensa unda ta referi na un entrevista cu a sali riba social media. “Niun rato so e la duna un entrevista di un articulo cu a sali riba social media, caminda supuestamente su persona y leiding lo ta cuestiona integridad di Cuerpo Policial y su polisnan.”
E relato ta sigui cu: “Niun momento so sr. Richardson a duna e entrevista aki y a declara locual ta wordo insinua. Manera ta conoci caba na diferente momento a wordo treci pa dilanti, cu Cuerpo Policial ta na luto y despues di entiero di nos colega stima, sr. Richardson lo elabora riba e supuesto critica di SPA.”
